St. Peter Claver

St. Peter Claver

St. Perer Claver nø Spain móngdàn taqkèní rvmá wavm we dø̀ngku tiqrvp cè íe. Barcelona wama shvnvng taqø vl yv̀ngì. àngò lvpat 20 nǿng taq Jesuit shvrúngshú mvdò svng gòng yv̀ngì. Àngò zùngmàng lvpat Novitiate dáng bǿà mèpvng St. Alphonsus Rodrigues ò dvtú we vdòng Jesuit zùng gòngchit roqwe bv̀nlì kèní dvzøm shì yv̀ngì.

AD 1610 nǿng American móngdàn rvwè zàng íwe Cartagena svng tuq v́mì nø shvrúngshú vya svng kámshì yv̀ngì wegø íe. Àngtaqkèní Negro dvcì rì dvhø̀ dvbùshvng bv̀nlì svng 44 nǿng døp dvzaqshì yv̀ngì. we bat taq Negro dvcì rì nø vshuq dvcì rì íe.

Gv̀mzø̀ koqkámpè Petty king Africa nø nvmvm vhǿmò nø we shvrà taq vshuq rì ku v́l vdu yv̀ngì wegø íe. We dvcì rì taqkèní vsv̀ng tiqmaq nø ám-vq mvzáng dvkøq wàng vkǿng we taq shìwe gø vhǿmò we nvng shvnip shvnvr we vdòng taq lvpat rì gvzà zíshì yv̀ngì we dvcì gø íe.

We shvrà kèní àngmaq kaqsvng America dan svng shølò nø shvlut ráà wegø íe.

St. Peter Calver nø nv̀mlat wedø íwe svngpv̀n dvcì rì kaq shvlut we shingmùng vsv̀ng tiqgǿ gø íráì. St. Peter Calver taqkèní we Negro vshuq dvcì rì kaqsvng shvlut nø vcùng we bv̀nlì taq dvzaq shì yv̀ngì. Àngmaq kaqsvng kámnøt tvrà rì shvngøt dvtú nø gálòng svng dvtanā ráà wegø íe. Àngtaqkèní Negro dvcì gorø 300000 rvzé gǿ svng tìløp kámā ráà.

St. Peter Claver nø mànvr nvr bv̀nlì wá dvzaq shìwe tiqgǿ gø íe. Àngnø wedø vshuq dvcì rì vlwe rvgaq rì svng vriq ò nø̀ dvbùngshvng bv̀nlì wawe mvtaq cv̀mré rì kaq vsùngò we nvng tìløp káā we bv̀nlì rì taq dvzaq shì we tiqgǿ íe.

Wervtnø̀ St. Peter Claver kaq svng nø Catholic shvngø̀mré mè taqkèní àngnø dvbùshvng mòngkà dvshvng we vsv̀ngrì dvpvt vlǿm rà íwe shv̀nshér vsv̀ng tiqgǿ ku mvsat ráà wegø íe.