Gong rvpø̀m vsvng dvbā:nò we

Gong rvpø̀m vsvng dvbā:nò we

 Narni tiq ni taq Yesu nø Farisirì øpshú dù tiq pè chø̀m taq v́mpà v́mlv́m gòngá:mì nìnø, angmaqí Ang svng dvjà:mòe. 

 Weyv́ng góng rvpø̀m we vsvng tiq gǿ Ang mv́rdv̀ngø v̄l dae.  Yesuí dvrá svra mvdò nvng Farisirì svng, “Narni taq záyv̀ng
dvbānā daq má, mvdaq ma?” wa rø:tnòe. Iwe angmaq nø dø màwá v̄le. Wervt A:ngí wepè dvba:nò dá:ngí shvlōòe.

 
 Wekvt Yesuí angmaq svng, “Namaq dvhø̀ taq tiq gǿgǿ, angcè* mø̀ínī nungwà tiq go nàdánø̀ng we, wego nø Narni taq
tìtūng svng lā vjāv̄m nìnø, wela:ngí ni chàng ang svng mèlùnøng we kagǿ èv̀lnønge ma?” a:lòe.  Angmaqí pà tiq kà gø
vtv́nlv́m màvlá:mì.