Muqlàng móngdàn kàshvbóng

Gvray Mongka Tiq Tut

BÚNGÁM 34:29-35

Moshi nø Shvksekà lóngkø̀m gø̀mní ang wur taq lá:ngò nø Sinay shigùng kèní vtv́ng daqì ke, ang nø Yehowa nvng kà dvmv̀n yv́ng kèní ang mv́r nø shór nø kvlàng dá:rì we ang mvdǿmshì.  Wekvt Aron nvng Israel dvcì cèrì shvngbeí Moshi svng yv̀ng bǿà nìnø; ku, ang mv́r shór nø kvlànge. Wervt angmaq nø ang svng vnvp màzaqshi.  Moshií angmaq svng gō bǿà kvt wā, Aron nvng shìwà mvngpòng cèrìò øpshúrì shvngbe nø ang yv́ng svng dì ráì kvt, Moshi nø angmaq svng kà shø̀ne. Wemèpvng Israel dvcì cèrì shvngbe dvkǿmshì ráì nø Sinay shigùng yv́ng Yehowaí ang svng dvkv́ma:pmà kàrì shvngbe Moshií angmaq svng dvká:mòe. Moshií kà yarì shǿn dv́ng bǿà kvt, laqtun puqí ang mv́r dvkøqshie.  Wedø ínìgø Moshi nø Yehowa nvng kà shø̀nlv́m, Ang mv́rdv̀ng gòngvm nø vtv́ng daq yv́ng høq, kvt vrv̀m ang mv́r dvkøq laqtun chíshie. Yehowaí ang svng dvká:mò rì Israel cèrì svng shvngøtlv́m dvpvt ang búng daq kvt vrv̀m; Israel dvcì cèrìí Moshi mv́r svng yà:ngò nìnø, ang mv́r shór nø kvlànge. Wekvt Moshi nø Yehowa nvng kà shø̀nlv́m, vrá tiq kvt gòng daq yv́ng høq ang mv́r dvkøqshie.
 
Mati 13:44-46
 “Muqlàng móngdàn nø, rvmá tiq hv́ng taq vmáshaq vpø̀ tiq bø̄m nvng vbónge. Vsvng tiq gǿí yv̀ng bǿò kvt nø, mā máò nø, welòng rvt dvbù weí, div̄m nø ang vdá we í dv́ngte nv̄mshi dv̀ng rvmá wehv́ng wv̄nshie. Vrá, muqlàng móngdàn nø, rvlogwìngshíng shvlá láò we wulaq wa vsvng nvng vbónge.  Vtv̄ngshaq vpǿ we rvlogwìngshíng tiq chv̀ng lá lún bǿà kvt nø, div̄m nø ang vdá we í dv́ngte nā:mò nø wechv̀ng wv̄nshi bǿì.

Add new comment

2 + 2 =