Yesu nx rvgaq galong i we dvng

Yohan 8:21-30

Vrá tiq kvt Yesuí angmaq svng, “Ngà nø døngvme. Namaqí nø Ngà èlásha we ínìgø namaq nø namaq mvrà taq èshì lóngnønge. Ngà døngvm yv́ng svng namaqí dí mèlúnnøng,” a:lòe. n 22 Wervtnø̀ Yuda vsvng rì nø, “‘Ngà døngvm yv́ng svng namaqí di mèlúnnøng,’ wa kà nø Ang nø Ang shvtshìlv́m dv́nshi rvtnø wae ma?” wae. o 23 Wervt Yesuí angmaq svng, “Namaq nø pv̄ngtø̀m kèní èínønge; Ngà nø taqlap kèní ǿngàe. Namaq nø rvgaq yalòng kèní èínønge; Ngà nø rvgaq yalòng kèní mvǿngà. p 24 Wervtnø̀ Ngàí namaq svng, ‘Namaq mvrà taq namaq èshì lóngnønge,’ vl bǿshà. Kadø íe wani Ngà nø Kristu wepè ǿngà we svng mèkv́msha kvt kèní nø, namaq nø namaq mvrà taq èshì lóngnønge,” a:lòe. 25 Wervtnø̀ Ang svng angmaqí, “Ini, Nà nø kagǿ èíe ma?” a:lòe. Yesuí angmaq svng, “Ngàí nv̀mlat kèní ni namaq svng dvtá bǿshà pè wepè ni ǿngàe.* q 26 Ngà nø namaq svng shø̀nlv́m nvng dvràlv́m mvme pv̀n vdánge. Iwe Ngà svng dèzv́r dakngà pè nø kv́mv́m daq pè í nø, Ang yv́ng kèní tángò dv́ngte wa Ngàí rvgaq tø̀m svng dvtángò we íe,” a:lòe. r 27 Inìgø Yesuí Angpè dang shø̀:nò we svng angmaqí mvcí:ngò. 28 Wervtnø̀ Yesuí a:lòe. “Namaqí Vsvng Angcè pè svng èhàng bǿnøng dá:ngí* wa, Ngà nø Kristu wepè ǿngà we gø, Ngà nø Ngà nø:tní pàgø mvwv̀ngo, Vpèí Ngà svng shèngøt dø tiqdvchá shø̀:nò we svng gø, namaqí èshá lóngnønge. s 29 Ngà svng dèzv́r pè nø Ngà nvng v̄le. Ngà wawa A:ngí mèlàng. Pàwálv́m wani Ngàí kadvgvp gø Ang wv́mshì dø wa wv̀ngòe,” a:lòe. t 30 Yadv́ng pv̀n A:ngí shø̀n bǿà kvt vsvng mvme Ang svng kv́m ráì.