Catholic Shvngxmre Mandalay Sasana Gwxrwang Up Svrado Vya Kvm Boy nvng Rungdvng Vp Boy

Catholic Shvngxmre, Mandalay Sasana Gwxrwang taq keni Monsignor Marku Tin Wino Gwxrwang Up Svrado Vya kvm boy nvng Rungdvng Vp boy kaq, Chuqshvla 23, 2019 ni taq Mandalay Myo, Shwe Nvlungdo Noqngxm Txngnu kvba yvng wao we svng shalun shie.

Ya boy kaq Myanmar Mongdvn nvng singwe Vatican Ang Dvsvr, Cardinal Paul Chan Invm, Yangon Sasana Gwxrwang Up pe Svrado kvba Cardinal Charles Bo, Mandalay Dai Wungyi Pe Dr. Zo Mit Mong mvdo, Myanmar Mongdvn taq vlwe Svrado kvba ri, Jau ri, Sisters ri, Shvngxmre ri nvng dvga Shvngxmre keni vnvm vchvngri meme kxm ngxm ra i we svng shalun shie.

Gwxrwang Up Svrado Vya kvm boy nvng Rungdvng Vp boy long svng Cardinal Charles Bo i dvnungo nx wa bxa.  Mandalay Sasana Gwxrwang keni Gwxrwang Up Svrado lun lvm rvt vkvt vlwe Svrado Kvba Nicholas keni gvza dvzaq shi bxi we svng shalun shie.

Svrado Kvba Marku Tin Win nx, Mandalay yvng keni Svrado rasvngo we taq 7 gx wa gx i we pe ie.

Add new comment

1 + 8 =

Please wait while the page is loading