Corona Virus nvng vsvng 2126 shivmmi

Wuhan Corona Virus rvt nx shivmmi we ri shvngbe 2126 gx i bx

Miwa Mongdan keni bungshi we Corona Virus nvng shivmmi we vsvng ri 2126 gx i nx, we yoga nvng za ri Mongdan vrvm yvng shvngbe 75725 nvng dvbvn lunshi ri 16330 gx i we svng, 20,2,2020, lvbvn vbi niqo RFA Burnese shvngka keni shalun shie.

Miwa Mongdan vsuya rii tvnuo we nx, Virus nvng shi we vsvng 2.3% vl nx vsvng tiking keni 23 gx nx yoga nvng za vhxmo svng shalun shie.

I ni gx, vlevmmi we 2002 nxng nvng 2012 nxng dvgvp bungshi we Yoga, SARS nvng MERS keni shi we dvngte nx mvshi we svng RFA Shvngka keni shalun shie. SARS yoga nvng shivmmi we vsvng nx Miwa Mong yvng 9.6% vl nx, MERS yoga nvng shi we vsvng nx 35% vl we svng shalun shie.