Coronavirus gvsat lam dangnang singnx Bangladesh mongdan taq sarado gvba Cardinal D’Rozario keni tvnungo we

Bangladesh mongdan Dhaka wama taq rungwe sarado gvba cardinal Patrick D’Rozario i yalvban vdongtaq Coronavirus yoga sang gvsat lvmdang nvngsingnx shangbe dvzaq shirawe sang tvnung:atna.

Mongdan Asuya kenigx April 7 ni taq mongdan taq vlwe vsang shangbe kaq yalong sang shvngang lvm vming gvlbxawe ie.

Vsang shangbe gx chxm vdongtaq wa vl lam dvkambxa. Cardinal D’Rozario keni video shangka taq yalong yoga sang gvsat lamrat chxmvsangri shangbe nx shxnggan sang mvle sha:I nx chxmdxng taq wa vl lam dvkang bxa we ie. Ang:I dvtut shxnowe taq nxngmaq shangbe nx mabong we shvra ri taq vl iwe inigx tasang dvdamkeiwei dvshaza nxnt taq vjurxt nalam dvkame.

Ngamaq vdongtaq mvdxng vchvknx dvdamshi rawe taq yadx mongan taq dvshamahxt we vhxm:I longnx pawalvm ima? Gvray mongka taq eyangdaqo dvgvp vni dang ku yanglunshie 1. Gvrayi nxngmaq sang shedxmi nx shvnhxnt we nvng 2. Nxngmaq vsang rio gxnshaq lvpat dangnvng singnx bxnweie wae.

Bangladesh mongdan Catholic shvngxmre  shvrongshu rio zvpungtaq yadx dvsha mvhxt we vhxmi rvtxtaq shangbe nx Gvrayo angce jxng bxndvzaq shiralongsang tvnungoe. Nxngmaq shangbe nx pan vsangri ishawedx tiqdvcha mabongwe svngpan dvci ri vl iwe taq nvngon kung:a ri vl ie. Wedx iwe taq nxngmaq shangbe nx vdeo mongdan sang shong sha:I we nvng vdeo noqsha:I we tvra taq dvzaq sha:I we longkeni dvzaq dvkang sha i.

March 25 ni taqnx mongdan vdong taq yalong yoga nvng sing nx zi sarawonri I dvkang bxa we shangka taq COVID 19 yoga long nx vsang 39 gxtaq zinke bxanx 5 gx shia:mi mepang yoga vlwe vsangri taq keni 7 gx bana:mi long sang shalun shie.

#Source – crd, Father Nikhil Gomes

Add new comment

1 + 1 =