Croatia dvcì tiqrvt chømcè àngnøng nvm 3 gø tiqni rvtø taqni shvrúngshú vya kámshì bøì we

Croatia dvcì tiqrvt chømcè àngnøng nvm 3 gø tiqni rvtø taqni shvrúngshú vya kámshì bøì we
 
Àngnøng nvm 3 gøò bøngrì Renato Pudar၊ Marko Pudar nvng Robert Pudar maq íe. Àngnøng nvm 3 gø nø tiqchøm rvpcèrì ínø tiqni rvtø taqni shvrúngshú vya kámshì bøì we gø íe Àngnvm pèla kèní cvm vtang pè Robert Pudar nø Deacon vya svng kámshì nø dvgá àngnvm pèní  Renato Pudar၊ Marko Pudar nø Split-Makarska ò gøwrwang øp shvrúngshú vya svng kámshì bøì we íe.

Àngnøng nvn nø Franciscan shvrúngshú mvdò kèní ínø we shvrúngshú vya kámā we bóy svng nø Solin taq vlwe Holy Family noqngøm tøngnø taq June 24 ni taqø wáshì bøì wegø íe. We bóymè svng Msgr. Zelimir Puljíc taqkèní shølnø.We bóy taq àngnøng nvm 3 gø nvng tiqdø dvgá shvrúngshú 4 gø gø vbá we íe.
 
We bóy svng shvngømré vsvng rì nvng àngrì àngrvprì shvngbe kømngøm ráì weí noqngøm tøngnø wáng shvngbe zøngnø vshøt bøì. We bóy ò Msgr mòngkà taq Gvray gvsangí nøngmaq svng ègoì wekvt nàmaqò kù:ngà vnøn we dang taqkèní nøt mènà tiq nøngni.
 
Gvray àngí tvrà shølwe vdòng taq tiqnøt, tiqgóng shvngbe apnúng shìnøng. Àngí kù:ngà èzí lóngnønge. Gvray àng vdòng taq bvnlì vrvm svng wá èdáng lóngnønge.
 
Nàmaq taqkèní àngò bvnlì vrvm svng wá èdáng lóngnønge wanø dvtú bøà wegø íe. 

Yalòng Sasvna nø 3 àngyá mvzuq nøng dvgvp kèní vlráì nø Catholic shvngømré vsvng 440000 rvzé gø vlwe gø íe. Croatia móngdàn vsvngrì 78 % nø Catholic Sasvna svng vtoshì nø vlwe gø íe.
(Three Croatian brothers ordained on the same day/ SW News)