Hobin myuq taq vtì tøng wervt chøm 2 chøm gvyaq shì nø 50 chøm dá:ngte vtìí lím kebøà we

Hobin myuq taq vtì tøng wervt chøm 2 chøm gvyaq shì nø 50 chøm dá:ngte vtìí lím kebøà we

July 27, 2023 mvyø shømè zaq ráì wervt Kachin móngwvl, Hobin myuq dvyet cháung wamà taqø vsvng chøm 2 chøm gvyaq shì nø 50 chøm dá:ngte vtìí lím kebøà we svng mvrìng vsvngrì yvngkèní shálún shìe. 
Dvyet cháung wamà taqø vle á:mìwe ni kèní shø mè zaq ráì wervt dvyet cháung tì, Gin mun cháung nvng dé pyu cháng tìrì tøng ráì nø dènì vsháng tut kèní we vtì wàngrì yvnggùng taq vlwe mvrìng rì taq vtìí lím kéò we bøn bøì.
We vtì wàngrì nø Hobin vtì wàng svng tuqwe ínø vtang kèní tøng ráì. Àngwà nøngrì taqnø wedá:ngte høq mvtøng dvrwe svng gø shá lúnshìe. Shìgùng lvp taq shømè zaq ráì wervt chøm sún wángrì vtìí vløp á:mì wegø íe. Hobin myuq, Aung nán taq vtì vgám we tìkùng wáshaq vlwe ínì gø mvgømò we yvngkèní vsvng chøm 2 chøm vtì taq vláng ke bøà. 

We vtì yvnggùng taq vlwe mvrìng rì taq shvngbe vtì gòng ráì we svng gø shá lúnshìe. Wewa mvtaq chøm sún wángrì taq rimshì we nìnà rì gø gvzà vlángke bøà wanø mvrìng vsvngrì yvngkèní shálún shìe.
We zàng taq dèsháng kèní dvsháza shvlut we mvdòrì kèní we shvrà rì svng dinø dvbangā ò we svng gø shá lúnshìe. Dèni dørøm lvp 6:00PM mèpvng kaq nø vtì bat ráì we ínìgø we shvrà taq vlwe mvrìng vsvngrì nø á:m-aq lvm mvzángrì dvshà we vhømò we svng dvtú vtnà.