Keng Tung Gxrwvng Xpshu pe, Svrado Peter Louis Shivmmi

Myanmar Mongdan, Keng Tung Gxrwvng Xpshupe Svrado Peter Louis Shivmmi we Shvngka.

Mynamar Mongdan, Kent Tung Gxrwvng Xpshupe Svrado Peter Louis nx, February 20, 2020 nxng nvpshvng 6:00 nari dvgvp shivmmi wa nx talun shie.

Mongdan vrvm yvng Catholic Svrado ri shvngbe 2000 jvn vl we keni, vde Myen Mongdan yvng nx, Gxrwvng Xp Svrado 22 gx vl we ie.

Svrado Peter Louis nx Keng Tung Gxrwvng, Maikvt Wama, Nali txo mvring keni bungshi nx, March 23,1952 nxng taq gvlo pe ie. Peter Louis nx, Gvray Pazi cvnshi we mepvng April 4,1982 nxng taq Jau (ရဟန္းသိကၡာ) lun yvnga Svrado pe ie.

We nepvng, May 20, 1997 nxng taq nx Keng Tung Gxrwvngo Svrado vya luno nx October 2, 2001 nxng taq Gxrwvng up Svrado vya luno Svrado pe ie.

Svrado Peter Louis o shagong dvgvng svng February 24 niq, 2020 nxng (Lvbvn Tiqni) dvgvp malvm i we svng talun shie. Vbx we nxnt taq keni vju rvt dvbvng i.