Mvyø shøtì tøng ráì wervt Bvgó, Gvyin, Dvníndayi nvng Mun móngwvl rì taq Lutshì shvrà svng yilshì rà bøì we vsvng gorø 50000 rvzé gø vlwe dang UNOCHA Myanmar kèní dvtú vtnà we 

Mvyø shøtì tøng ráì wervt Bvgó, Gvyin, Dvníndayi nvng Mun móngwvl rì taq Lutshì shvrà svng yilshì rà bøì we vsvng gorø 50000 rvzé gø vlwe dang UNOCHA Myanmar kèní dvtú vtnà we 

Mvyø shøtì tøng ráì wervt Bvgó, Gvyin, Dvníndayi nvng Mun móngwvl rì taq 16 myuq ne ò móng vsvngrì lutshì shvrà svng 50000 rvzé gø yilshì rà bøì we dang UNOCHA Myanmar kèní dvtú ráà.mvtaq mvyø shømè zaq ráì wervt vtì tøngwe í Sam móngwvl nvng Rvkay móngwvl rì taqø gø vtì tøngwe mvhøt lvm vhømò we dang vtàn vtnà.

Vle á:mì we August 10 kèní vtì tøngwe mvhøt lvm vhømò we vsvngrì 30000 rvzé gø svng shvlut we wáshì bøì we ínø we vsvngrì nø Mvyø shøtì tøng ráì wervt Bvgó, Gvyin, Dvníndayi nvng Mun móngwvl rì taqkèní íwe svng shálún shìe.Wewa mvtaq Rvkay móngwvl vdòng taqø gø wedø móng vsvngrì kaq lutshì shvrà svng yilshì dvzvr we shvlut we bvnlì svng August 7-8 ni dvhø taq wá shì bøì.Wervt svngpvn dvsháza mvdò rì taqkèní wedø vtì tøngwe móngwvl rì taq dvbangā we bvnlì rì svng pvnyvn wá dvzaqshì rà bøì we íe.