Pathein gxrwang taq COVID 19 yoga vgam we nvng singnx mvdo poqpang bxawe shvngka

Apri shvla 4 ni Iyāwadidí dèdàqkyi St.petero lipong taq wabøawe Myarmar móng Bvting sasvna wunkyi rongkeni Covid-19 yøga gálunlvm dvpvt tiqmvdo boqpvngbøa.

Kvmnønt tvra taq øpkvngshù,yvngroshù ri shvngbe nønt mvsøn,laqya, shaqcvm we maqvl lvm ,vlømvm daqwe shølshù vgo rií shølwe tvra taq cvn lunrae wa Bvting yvngroqshú svra Do John Hsane Hgyi taqkeni shøne. Vra nø Cvnrawe dvrari nvng dvnunglvmrvt boqshibøiwe shølshú mvdó keni wa Shølwe warae. Svra Do John ni Diocesan covid-19 Yoga gallvm mvdó boqbøa long svng angtaq keni dvnùngdvbanglvm i a:minø vradvbvngwe rong svng Diocesan Sociopastoral programo directer Henry Eikhlein taqkeni shøl long óe.

Yalong nø namaq shvngbe i dvdvm nø dvnúng rawe bvnli tiqlong ie wa svradoJohn taqkeni komiti mvdo kaq svng dvkvmbøa. Corona virus yoga gvpbøiwe vsvng kaq kâdøwa dvbvnglvm dang nvng singdø vzvngkaq Myenmar móng catholic srado kvbariò lipong taqkeni dvta:n shà ie.

Bvting SvraDo róngangké zòng Māyā tiwang taqvlnø vkvngpe yesuo mvreza shóngnønt wawe angmvdoce cvnnalvm zòngchøm tiqlong walvmdvpvt vsuyaq keni Quarantin jakróng tiqlongku langlvmrvt dvdùoe.