Vzvng kaq Radio shvngkà dvtúshú pè Catholic shvrúngshú bønráì we

Vzvng kaq Radio shvngkà dvtúshú pè Catholic shvrúngshú bønráì we
Àngbøng nø Shaun Doherty íe. Àngnø vzvng kaq Highland Radio shvngkà dvshvng dap taq shvngkà tvyø dvtúwe bvnlì taq dvzømshì yvngì we ínø Catholic shvrúngshú vya svng Ireland móngdàn, Derry shvngømré gwørwang ò shvrúngshú tiqgø ku kámshì bøì we íe.àngnø Radio shvngkà dvshvng dap taq 28 nøngdøp dvzømshì yvngì.

Àngò shvrúngshú vya kámshì we bóy Missa vjúrøt tvyø svng St. Ugín Catholic Cathedral taq July 2, 2023 ni, Svrado Donal McKeown wir taq kámshì bøì. We bóy svng shvngømré vsvng 1000 rvzé gø kømngøm ráì we íe. Shvrúngshú àngshvrpè ò Deacon vya  svng vle bøì we nø Roma, St. Paul Basilica taq kámshì bøì we íe. Àngnø July 3 ni taq àngò lvpat 58 nøng gøm bøì wegø íe. Weniò Missa vjúrøt tvyø svng Derry taq vl6St. Columban noqngøm tøngnø taq wà bøà.

Àngshøn we mòngkà taq " ngàtaqkèní yadø svngpvn vko vkáng vtoshì lúnò werat gø Gvray kaq oqà wange. Gvray àngí ngà svng àngò bvnlì taq dvzømshì lvm ego:nge walòng svng síngshá lúnòe. Gvray àngí vsvngrì kaq dang àngpvn pvn taqkèní ègo ìe. Ngà svng tvrà èshølwe gø vrvm kaq svng gø vtang kèní oqà wange. Ya tvrà svng dìlvm wawe gø yul we nø møí. Ínìgø Gvray àngkà shaqrì taqkèní kù:ngàrì vtoshì lúnò e" wanø shvngkà kèní dvmvn bøì wegø íe.Derry shvrúngshú gwørwang nø àngyá mvzuq nøng mvme naq ráì we tiqgwørwang gø ínø AD 1158 nø taqkèní vl ráì we íe. Shvngømré vsvng gorø 252000 gø vlwe tiq zvng gø íe.