Pa dang taq gø góng mèginøngni. Pv̀n vrv̀m taq mv̀ng nø, júrøtshi we nvng oqà wa taqsórí, namaq røtshì mèyǿnøngrì nø Gvray kaq shá dèzv́rnøng.

Yohan 16:33
Ngàí namaq svng yadv́ng pv̀n dvtá bǿshà we nø, Ngà vdòng taq mòngzø̀l lòng namaqí lúnlv́m dvpvt íe. Rvgaq tø̀mø nø namaqí dvshà mvhøt lòng nàhǿm lóngnø̀nge. Inìgø shaqshaqwa èv̀lnøng, rvgaq svng Ngà jorv́mà,” a:lòe.

Esaya 41:10
Mèsèreni, Ngà nø nà nvng tiqdø v̄le. Nvrø̀m mèbùmni, Ngà nø nà Gvray ǿngàe. Ngàí nà svng nònggùn dvkv́ng nø, nà svng dvbvnglv́m íe. Ngàò jòr we vbàng wu:rí nà svng tubùmlv́m íe.

Filipi 4:6-7
Pa dang taq gø góng mèginøngni. Pv̀n vrv̀m taq mv̀ng nø, júrøtshi we nvng oqà wa taqsórí, namaq røtshì mèyǿnøngrì nø Gvray kaq shá dèzv́rnøng. e 7 Wekvt nø cíngrál mvlúnshì dv́ngte lø̀m vlēò we Gvray Ang mòngzø̀l long nø, Kristu Yesu vdòng taq namaq dòngnøt nvng namaq shánøt dvdv̄mnøt svng, nàcún nàsónga daqnø̀nge.

Shvngùn Zaywa 34:4-5.8
Ngàí Yehowa svng vkøk kē, A:ngí ngà svng nàtv́n dakngà. Ngà svrelv́m í dv́ngte taqkèní shèlut bǿngà. c
5 Dvgá rìí gø Ang svng dvjaqò nø,* lànglàng gáá:mì. Angmaq mv́r nø kadvgvp gø màshvraqshì long.
Ó, Yehowa nø nøt shvlā pè í we svng nàløtnøng nø èshāshìnøng. Angvdòng taq máshìrà wāshì gǿ nø ìshøt ìgv̀n v̄le.