Vrá, nøngmaq svng vtù we dvrá taqò dvkv́mkàrì svng A:ngí èshøqāì dá:ngí, werì svng èlúā bǿshà nø, wurgang taq nàtaqa bǿshà.

Bv̀nghǿ yalòng ngà taqkèní lúalv́m dvpvt, Vkàngpè svng vshø̀m kvt kórshø̀ng bǿngà. 9 Iwe A:ngí ngà svng, Ngà jejú nø nà dvpvt luqtv̀me. Pàwálv́m wani Ngà jórnònggùn nø shaqcv̀m we vdòng taq kèní mv̀ng dvtan lóngòe, wa nàtv́ne. Wedø í rvtnø, Kristu Ang jórnònggùn nø ngà taq v́l dønglv́m dvpvt, ngà shaqcv̀m tvrà rì dang lè téwa dvbùnø:tní dvshv́ngshø̀nge. 10 Wedø í rvtnø, Kristu dvpvt shaqcv̀m tvrà rì rvt shvraq èchak we taq, zǿm mvluq mèpø̄n we taq, dvshá dvki nàrèng rì nvng dvshà mvhøtrì taq ngà nøt shø̀me. Pàwálv́m wani ngà kadvgvp shaqcv̀m nø̀ngnø, wedvgvp Kristu taq ngà nònggùn kv́nge.

Koloshi 2:14-16 Vrá, nøngmaq svng vtù we dvrá taqò dvkv́mkàrì svng A:ngí èshøqāì dá:ngí, werì svng èlúā bǿshà nø, wurgang taq nàtaqa bǿshà. m 15 Cáng loksok vgo zǿmshú rì nvng vmíng vkv́ng v̄l rì angmaqò cìl dànkùng rì A:ngí gvyaqò nø, werì svng nø shvngbe mv́rdv̀ngø shvraq chaqò dá:ngí, wurgang tø̀ng kèní angmaq svng dv́ngke bǿà.n 1Tesalonia 5:15-21 Kagǿ ínìgø, mvgv̄m lòng svng mvgv̄m weí màwv́ngālv́m nàyáshìnøng. Kadvgvp gø tiq gǿ nø tiq gǿ dvpvt nvng vsvng shvngbe dvpvt shvla we wa wá dèzaqshinøng. 16 Kadvgvp gø dèbùnøng. 17 Mànārnār vjú èrøtnø̀ng. 18 Pv̀n vrv̀m taq Gvray kaq oqà èwànø̀ng. Kadø íe wani yalòng nø Kristu Yesu vdòng taq namaq dvpvt Gvray Ang wv́mshì lòng íe. 19 Shanshér Pvlàcè svmi mèmaqnøngni. 20 Kàdvtut kàrì svng yv́ng mvtv̀m dø mèwànøngni. 21 Pv̀n vrv̀m svng shvla màshvla wa nàløtnøng. Shvla lòng svng nø døngdøng mènvtshìnøng.