Vsvng shvlá wáshìlv́m shvngøtkà

Vsvng shvlá wáshìlv́m shvngøtkà

   Yarì gø Yuda koqkv́m Hezekia ang vsvng rìí tiq dvtv̀ng tvlíng yà:ngà we Solomon kàshvgøprì íe. Mvtú tiq pv̀n svng máò lòng nø Gvray Ang dvgùng íe. Welòng svng gùn dvtøp lún lòng nø koqkv́m rìò dvgùng íe.  Muqlàng nø vháng nø, rvgaq gø rvnaq padø, koqkv́mrì nøt gø vjáng mvngutshi dv́ngte rvnaqe.  Gv̀msùng kèní angniq èlùò kvt nø, gv̀msùng lv̀ngdø:pmí gv̀msùng gwìn dvbūng lú:ngòe.  Koqkv́m mv́rdv̀ng kèní vsvng mvgv́m rì èrá:lò kvt nø, ang koqkv́m rúngtv̀ng nø døngman lòng taq dø̄ng longe.

  Koqkv́m mv́rdv̀ngø dvgùng mèláshìni; gàmzø̀rì riprà taq gø mèripni.Nà neí èyà:ngò we gàmzø̀rì mv́rdv̀ngø nà svng shvyǿm we nàhǿ:mò lòng mvdv̀m nø, “Yayv́ng èrūng long,” wa ègōvt lòng té shvlae. 8 Nà dvkà kà chàng vrùnglv́m mèmèhèni. Mø̀íni tiqdv́ng Vsàngí nàsvng, lv̀ngdø̀mø̄ shvraq èchaqkēvt nìnø, kadø lewáshìni? Nà dvkà dang tiqdv́ng vsvng nvng nàrùngshì we ínìgø, dvgá gǿ mvyø̀n tvrà nø mèdètānānì. 

Wedø èwàò kvt nø, táò rìí nà svng èzerke nø nà dang mvgv̄m kà shø̀:nòlòng nø mànar long.  Ang dvjà taq vdu vbóng dø èshø̀:nò kà nø, gv̀msùng taq vkàò we shé mvrvnzø̀ nvng vbónge.  Zitnøt v̄l gǿ ngv̄nkà nø, tá neshi gǿ dvpvt, shé nàbv́n nvng góng dvcøpshìlv́m shé dvrè dø íe.  Kv́mv́m vrvm we dvzv́r gǿ nø dvzá:rò rì dvpvt, zànggá rvtø̀ taq gwit we tvwv̀n wa daq padø íe. Wegǿí nø angkàngrì nøt svng shàdvbā:nòe.