Mvnshìnø gøncøp lòng

Mvnshìnø gøncøp lòng

Mvnshìnø gøncøp lòng nø, lvpat nvng shiqshan lvm dvpvt, íè wa gøncøp lànglì zilàngréri svng Svrabyin Francis í dvkvmoè. Vlèa:mì we, lvban taq Vsvng lóqlóq nvng mvngushi nø vhøm we taq "We run together"wa we angní,we nvpni taq gvlàng shøngjong lvm íwe zilàngrérì nvng Svrabyin koqkvm Francis ò vhømè.Yà lòng shøngjóng lvm tiyølòng svng Vatican gøncøp rúng taq kèní dvnúngò we mvdvm Italy vsúyà úpvdè mvdò nvng vzøm nø washìlòng íè wa è. "We run together "tiqdø gvlvng è wa we taq zilàngrérí tiqdø gvlvngshøngjóng kèwe møí dø tiqlònglòng svng tiqdødø tvnù:ng lvm bvnlíri ínø yàlòng tiqyø taq kèní gøncøp è wa lòng svng dvtvnò we íè. Gøncøp è wa we svng Shvngømré,Tonglaqyà dvcípvnvrvm kèní gø rvsvngcepè là,rvsvngcemè là svng vzøm dvzvr we dāng,tàsvng tàlè shóngnønt ní tùbøm kèlvm,paqzí nvng wulaqbvnlí angdang dang taq vhvng vlunlvm rvt dvtvn shìlòng íè wa è. Covid (19)yóga sønli rvt shøngjóng we bvnlí tiqyøri shvngbé svng narshíbø íní gø mvnshìwe køncøp lànglìrì nø mvnarshì angmaqò nøntmvsøn vdòng kvmnønt zitnønt shánønt paqzí rìtaq kèní shøngjóng nø dvlíq lòng svng yvnglúnshìè wa,Svrabyin Koqkvm Francis íshønò we svng Vatican shangkà dvp taqkèní shàlún shiè. Ya dang svng dvdvm nø nøngmaq gø Covid (19)sønli vyáshinø nøntmvsøn vdòng kvmnønt ni vzvnglvp dvmubvnlíri,wulaqbvnlíri, paqzí angdangdang vhvng vlúnlvm, shvla we bvnli ri dangvrvm taq dvzaq shì laqluni.