Nxngmaqi dvga ri svng wao dx Gvrayi nxngmaq svng kvnge daqe

“Nxngmaqi dvga ri kaq wao dx Gvrayi gx nxngmaq svng kvnge daqe”, wa nx Svrabin Koqkvm pei shxno.

Svrabin Koqkvmpe Francis inx Shvngxmre ri svng shxno rvtx, “Vnvm vchvng ri nvng vrashi we rvtx taq, kvmshi we Gvray angce ri dx mvreza nxnt nvng shongnxnt keni vrashi rae”, wa nx shxno.

Kvmshi ri gx vrvm nx, lvngdxm niq taq vde yvrvgaq yvng kvdx cunshie wa we long svng Gvray mvldvng dvtanshi rae. Pvwalvm wani, Gvrayi nx nxngmaqi dvga ri svng wao we zidvng keni kvnge lvm rvt ie.

“Dvga ri svng kvdx iwe zidvng nvng vrashi ele? Vde gx kvdx iwe zidvng nvng cunshi ele?  Shongnxnt nvng mvreza nxnt vba we zidvng iema? Mxi ninx, shvngoshi we nxnt nvrxm zidvng iema?” wa nx dvdvm rawe svng shxngo e.

“Nxngmaqi rvtx vrvm yvng cvndxng ra we nx Yesu Gvray ie. Yesu nx, wurgvng yvng Ang gxnshaq dvbxmshi hxq nxngmaq kaq shongshi we svng cvn rae. Yesui ezisha we Wurgvng tvra svng cvndxng lvm dvpvt shvreshi mvra”, wa nx January 30, 2020 niq taq Svrabin Koqkvm pei shxno.