Shongnxnt nvng Mvreza nxnt tewa vlra we shvngka

Shongnxnt nvng Mvreza nxnt tewa vlra we shvngka

CORONA VIRUS rvtx yvng Shongnxnt nvng Mvreza nxnt vlra we shvngka Ya rvtx Mongdan vrvm yvng CORONA VIRUS rvt nx vnvm vchvng ri dvsha mvhxt vhxm we rvt Shongnxnt nvng Mvreza nxnt tewa vlra we svng Svrabin Francis i April 5, Palm Sunday Lvbvn niq taq dvshvtno long svng Vatican Shvngka keni shalun shie. Phil 2:7, yvng, "Yesu nx dvzxmshu washi sori Nxngmaq kaq chut we long nx Nxngmaq svng Gvrayi vzvng shongshi rvt, Ango gxnshaq dvbxmshi hxq chutchvng we bvnli wawe ie", wa nx Svrabin i shxno. Vra nx, Yesu nx Angkaq Vsvng i shvngoshi we, "Hosana" wa nx vtoo ri i lvngdxm yvng vgvmo we dvsha mvhxt ri shvngbe svng vhxm bxa. Nxngmaq dvci yvng gx we dx vsvngi shvngoshi we, vgvmo we ri svng vhxm shashie. I ni gx, Nxngmaq gx, shongshi we tvra kaq lun lvm nvng dvgari svng gx shongshi lvm dvpvt shxq shawe long ie, wa nx gx Svrabini shxno. Shongshi lvm dvbvt "xnge" wanx shxn rawe svng gx Svrabin i dvshvtno we. Svrabin i shxno yvng "Yadx Vsvngri dvsha mvhxt vhxn we rvtx, bxngte lvm dvpvt mxi nx, dxngman we shongnxnt, mvreza nxnt keni tiqgx nvng tiqgx dvzxmshu bvnli washi sori Gvrayo Shongnxnt svng dvtvn i" wa nx shono. Nxngmaq kaq Ango Shongnxnt, Mvreza nxnt svng dvtvn lvm dvpvt Gvrayi ego shawe ie wa nx, Svrabin Koqkvm pe Francisi dvshvto long svng Vatican Shvngka keni shalun shie.

Add new comment

11 + 0 =