svrabin koqkvmpe Francis shvngka

Svràbyin Koqkvm Francisí Vaticanò móngvsvngri shvngbe contracts kàru lègà taq shangshang wa ílvm dang nvng màshvla we laqya madvtvn lvm dang dvkvmkà dvkvng bøà.

Jun (1) ni taq Vsvng shvngbe nvng sing we bvnlìrì dvpvt Vatican móngdvn myoq nvng Roma myoq øpkvng dvp kàru lègà taq kèní dvkvm nø tvnùng we dvzvr kàru tiq gøm dvkvngbøà.

Svrabyin koqkvm Francis angò kàru gøm taq dìng mvn nø Shang Shang wa írà è,øpkvng lòng nvng shøngjung kèlòng svng háng lunlvm dvda:m we í Móngdvn, shvngømré dvrá hvng svng dvshàngbøà.

"Shøngjung lòng nvng dvkvmkà dìng dø tùbùm lvm lòng" svng háng lún we nø pøshì pømèri svng téwa shvla dø vwú:r shilòng íè wa shønòè. "Mònggvn wúlaq bvnlì nvng téwa dvgøq shilún lvm lòng nø dvrè dvpøri nvng dvbvngshì we bvnlìri rvt téwa dvrè dvpø yømlvm rvt dvtvnò lòng íè.

" Yadvng, bøndaq lvmlòng svng vsvng shvngbè nvng sing we dvrè øpkvng we mvdò taq láng vduè" wa shønò è.døngnønt vl nø kvmvm vram we øpshú rà lòng nø téwa mvkok lvm vchvk è wa dvkvmè.

#source-LiCAS.news