Mongzxl nx byo we tvra

Byo we tvrà10 dvng 1. Pøgvmsùng Pøgvmsùng taq kèní byo lvm tvra tiqzìdvng høq lúnshì we ínìgø vdè taq rà vchyak rì kømzøp:am dvgvp nø pøgvmsùng long nø vjú mvl bø we íe. 2. Shvrúng we nønt mvsøn Shvrúng we nønt mvsøn gø byo we tvrà nvng sing we ínø we nønt mvsøn taq kèní lúnshì we jór nvngòn nø pø gvmsùng kèní lúnshì we byo we tvrà mvdàm téwa ring nø vpø we íe. 3. Síngrvĺ nønt Síngrvĺ nønt gø lvpvt byo lvm dang nvng sing we long svng shálún shìe. Gùn dvtupò we taq síngrvĺ nønt téwa vhángrì taq nø shvrúng we nønt mvsøn gø téwa luq we ínø we døí we shvrúng nøntrì mvbøn long dvgvp kòng:à vnøn sháshì we íe. 4. Dvcì dvgøng càn we Byo we tvra dang síngsháò we taq dvmø mvshín taq kèní 90% yàwet nvng sìng we svng shá lún shìe. We dø íwe taq svmré dvgvp kèní àngpè ní àngmèò síng rvĺ nønt vl we í nøntratshì nø shvla dø shvngønt dvtú lvm gø gvzà vchyak we íe. 5. Yáng vnvp we Vdè góng vdeò mvlshàm nø vnvp me wanø sunshì we nø cúnsha:ì we lvpvt taq byo we tvrà nvng sing we íe. Yáng vnvp we vsvngrì gø vràm taq byo we nø mø:í ínì gø àngdèò shagóng svng shóng shìnø vpøshàì we í vdèò lvpvt taq nønt shømnø byo dø vl sháshì rà we íe. 6. Rømnvng Rømnvng wawè nø vdeò byo we dvng svng tùbùm lvm mvdøng vchyak we tìaq rø íe waè. Paqzí shà we vsvng rìí gún dvtøp bøà we taq zìdang mabóng we vsvng rì dvhø zìdang tiqdvchá mòngzøl nø byo we lúnshì lvm nø rømnvng dang taq kèní wa bøn lúnì we íe 7. Dønku Dønku vdòng taq kèní gø mòngzøl nø byo we dvng døngku mvl we vsvngrì mvdàm lúnò we svng yáng lúnshìe. Døngku shvzøngshì bø mèpvng tiqnøng køp nø mòngzøl nø byo we svng vtoshì lúnòe wa nø shálúnì we gø vle. 8.noqshì tvra Noqshì we tvrà taq kèní vsvngrì dvhø ø tasvng dvbang tubòm kéì we ígø byo we tvrà lún shì we íe. 9. Shóngnønt Shóngnønt taq kèní byo we tvrà lúnshì lòng svng vsàng timaq íwa shálúnòe wae. Shóngnønt taq kèní dvsháza we bànlì wàò we vdòng taq mòngzølnø byo we chyejú lúnshì we íe. 10. Vsak vpat Vsak vpat télúngì rìtaq tiqnì mvdàm tiqni svrøng ra dvgvp mongzøl nø byo we tvrà svng sán lúnlvm téwa síngsháò we íe. Àngmaq taq vhøm shì we pvnchyat rì nvng nønt dvsha lvmrì svng gorlún lvm téwa síngsháòe wae.