Nønt shok nønt mvgør long rvtø shvyúmshì shvla we dang 8 dang

Nønt shok nønt mvgør long rvtø shvyúmshì shvla we dang 8 dang

1. Shøn nàtànò Nønt shok nønt mvgør lvm gvzà luqra dvgvp àngdèò kám vlømshì we rømnvng tiqgø svng shøn nàtànò mø:íni vdè dvpvt paqzí zíshú, svra tiq gø gø svng shønshìnø nønt shvløm shì shvlae. Pàwálvm wani tiq kvt kvt vdè nønt vdòng taq mvgør we pànchyatrì nø elvnò dángte mvté we gø bønsháshì we íe. Vdèí dèdam merønòrì rømnvngrì taq kèní paqzí zi we í lúnshì we íe.

2. Lìga taq nàruò Vdètaq vl we pànchyatrì svng tiq svng mvtang liga taq nàrubøò mepang kadø pvran vdue wa lònggø nànønt vdòng taq dèdamòdø nàruò we í nønt mvgør lòng svng shvyúm lúnshì we íe.

3. Shaq vhéshì pàn Shaq vhéshì we taq kènígø nønt shok nønt mvgør lòngsvng shvyúm lúnshì we íe. Nà taq nønt shoklvm gvza luq daq dvgvp rvtø tiqlang lushìnø shaq vgá huq cøp shì dángí 3 second dángte tønshìnø shaq vhéshì we ígø nønt mvgør nønt shok lòng svng shvyúm lúnshìe wae.

4. Gvsøp nø kvlàng we Nønt shok nønt mvgør long dvgvp minutes 30 dángte mvnshìnø kvlàng we ígø nøntshøm lvm lúnshìe wae.

5. Tì taq zøn shì pàn Nønt mvgør lvm vhømshì long dvgvp tìlømtaq zøn shì we ígø vdègóng shvwi di we tvra shiqshàn we mvtaq nønt mvsøn gø shiqshàn lúnshì we íe.

6. Góng vkønshì pàn Nønt shok nønt mvgør long dvgvp góng vkønshìnø híciq wvlciqrì vkøn shì we í gø nønt shokwe lòng shvshvyúm lúnshìe wae.

7. Mvkún mvkún we pàn Nønt mvgør we rvtøtaq vdè shóngshì we mvkún zaywà døíwe rìsvng nønt shømdø vkiqnø mvkúnò we taq kènígø nønt løm lòng lúnshìe wae.

8. Rung we pvn Nønt shok nø nønt mvgør we vhømshì daq we rvtøtaq dvrá shvtøk shìnø namshìcè rung we ígø nønt shøm nøntløm we sàng lúnshì we ínø nønt shok nønt mvgør lòng svng shvyúm lúnshì we íe.