Coqcv́n gǿ nø shvngøtshú gǿ mvdvm ring we mø̀í, vshuq gø angkàng mvdv̀m ring we mø̀i. 

 Coqcv́n gǿ nø shvngøtshú gǿ mvdvm ring we mø̀í, vshuq gø angkàng mvdv̀m ring we mø̀i. 

 Coqcv́n gǿí gø shvngøtshú dø, vshuqí gø angkàng dø tiqdvchá vhǿm vdu longe. Chø̀m angkàng pè svng Beelzabul tǿò nìnø, ang chø̀msvng rì svng téwa mvgvm we mvtǿ lú:ngò ni ma?  Wervtnø̀, vsvng kaq mèsèrenøngni; pawá wani vwv̄mshaq rì pà ínìgø dvtan lú:ngòe. Vmáshaqrì pà tiq pv̀n ínìgø shá lúnshi longe.  Dø vdòngø Ngàí namaq svng dvtáì kà nø, lànglàng gá yv́ngø èshø̀nnøng. Namaq vnà taq vbøn bǿngà kà nø chø̀m rvgùng kèní dèshv̄ngnøng.

 Shagóng svng shvt lú:nò nìgø, dòngnøt mvsø̀n svng shvt mvlú:nò rì kaq mèsèrenøngni. Dòngnøt mvsø̀n* svng gø shagóng svng gø zùpvng móng taq shvmv́ng lú:nò pè Gvray kaq mv̀ng svre ràe.  Cvkācè vní gō nø kàmø beshan tiq gø̀mcè taq wa nv̄mkéò we mø̀í ma? Iwe, namaq Nvpèí màsháshaq nø tiq gō gø pv̄ngtø̀m svng màjav̄m. Namaq vgōnī gø hǿng vrv̀m vrø̄shaq íe. Wervtnø̀ mèsèrenøngni. Namaq nø cvkacè mvme go mvdv̀m té nàpǿnønge.

 Vsvng mv́rdv̀ngø Ngà svng nàchàng we kagǿ ínìgø, muqlàng taqlap vl pè Vpè mv́rdv̀ngø Ngàí gø wegǿ svng vchànglv́m íe. Vsvng mv́rdv̀ngø Ngà svng mènàchàng we kagǿ ínìgø, muqlàng taqlap vl pè Vpè mv́rdv̀ngø Ngàí gø wegǿ svng màchàng lóngò.