Nxngma Tvra

Radio Veritas Asia (RVA) Mongka dvshvngdap nx Philippines Mongdvn, Manila wama taq waya:nga nx 1969 nxngx Radio taq keni Mongka dvshvng pvng ya:nga. Asia dvn, Mongdvn vrvm taq vlwe Svngpvn Dvciqka meme pa:ni, dvshvng bxa mepvng, 2016 nxng taq nx Social Media Online keni Svngpvn dvciqka (22) pvn taqkeni tiq dvtvng ka tvlingnx Mongka dvshvng shie.

 

Vra, Rvwang Dvciq ka keni gx Mongka dvshvng lu:nlvm dvpvt, Myitkyina Svradaw Gwxrwang Up pe Svradaw Francis keni RVA vgo washiri kaq shu:no nx, Rvwangka i gx Mongka dvshvng lu:nlvm Jau Pong Shvng Awng Htoi kaq svno nx 2018 nxng, 8 Shvla taqx Philippines Mongdvn svng Online Training lunglvm dvpat dvzvr bxa.

 

RVA Rvwang Mungka dvshvngdap keni; Gvray Mungka (Daily Reflection), Lvncha (Climate, Environment), Vhxm nx mvngu shiwe (Dialogue), Bxngteri (Famous People), Shvnsher Karu (Homily and Bible Study), Dxngku, Cvmre, Zilvngre (Family, Children and Youth), Kvmnxnt tvra (Religions) , Svrabin Mungka (Pope’s Message) ri nvng Shvngka (News) angpvn pvn shvboy owe dvshvngdvp ie.

 

Gvray jeju rvt, 2018 nxng, 10 Shvla, 15 niq taq nxngmaq Rvwang ka i Fr. John Pong Shvng Awng Htoi taq keni bvnli wao nx Mongka dvshvng pvng pxa ie. RVA Rvwang Rung nx, Putao Gonggvtong, St Anthony Noqngxm wang taq Mongka dvshvngdvp washi bxi.