Shvringshi we zaqlè kàshvbóng

  Shvringshi we zaqlè kàshvbóng

Narni tiq ni taq Yesu nø Farisirì øpshú dù tiq pè chø̀m taq v́mpà v́mlv́m gòngá:mì nìnø, angmaqí Ang svng dvjà:mòe.

Shvringshi we zaqlè kàshvbóng 7 Vgōshaq zaqlèrì nø vdèdè ring we rúngrà kadødø rvcv̄ngshì we svng A:ngí yv̀ng bǿà kvt, A:ngí kà shvbú:ngì angmaq svng yadø a:lòe. c 8 “Vsvng tiq gǿgǿí zvmì shvzøng bóy svng namaq kaq ègovtnø̀ng dvgvp, té rīng we rúngrà taq vzv̀ng mèrúngnøngni. Mø̀í nìnø nà mvdv̀m té dvgùng rīng we tiq gǿ svng gø a:ngí lā vgoshaq v̄l we màshá. d 9 Wekvt nàní svng ègoshi pè di ra weí nà svng, ‘Vsvng yagǿ dvpvt rúngrà èyilāò,’ èv̄lvt dvgvp nø, nà nø shèraqshi sórí vcip vtv̄ng rúngrà svng vcílshì nàdū longe. 10 Iwe Vsàngí ègōvt dvgvp, nà nø vcip vtv̄ng rúngrà taq mv̀ng èrung. Wekvt wa nà svng ègo pè di ra kvt, ‘Rv̀mnvng pèá, taqkaq svng nàcílshì long,’ èv̄lvtne. Wekvt mv̀ng nà nvng tiqdø rung we mvnv́m rì shvngbe mv́rdv̀ngø shvring we nàí èlún lú:ngòe. 11 Kadø íe wani vdè shvringshì gǿ svng nø shvyǿm lú:ngòe. Vdè cipshì gǿ svng mv̀ng nø shvring lú:ngòe,” a:lòe.