Zaqlèwàng dvpvt tòngzv̀n gø mèrínøngni;

Zaqlèwàng dvpvt tòngzv̀n gø mèrínøngni; bèlaq gø vní dùng mèlvngshinøngni; híshvnam gø, dvrv̀ng gø mèlv́ngnøngni; pàwálv́m wani bv̀nlì wa gǿ nø, shàv́m rā we lún vpǿe.  

Wedø èdìnøng sórí, ‘Muqlàng móngdàn níshì ráì,’ wa dèshv̄ng bǿnøng.  Zarì dèbānnø̀ng; shìrì svng dèzūnnøng; mv̄nggvng í rì dèshèrnøng; cángrì èlùngnøng. Dvpǿ màdá èlún bǿshà rvt dvpǿ màdá èzínøng.  

Namaq yǿngkoq taq shé gø, gv̀msùng gø, kàmø beshan gø mèrínøngni.Zaqlèwàng dvpvt tòngzv̀n gø mèrínøngni; bèlaq gø vní dùng mèlvngshinøngni; híshvnam gø, dvrv̀ng gø mèlv́ngnøngni; pàwálv́m wani bv̀nlì wa gǿ nø, shàv́m rā we lún vpǿe.  

Namaq nø mvrìng nvng rvwá taq ègòngv́mnø̀ng dvgvp, weyv́ng nøt tǿng shaqré karvp í we èrøtnø̀ng nø, we mvrìng kèní mèbúngnøng dv́ngte wechø̀mø̄ v́l dv̀ng èwànø̀ng. Wechø̀m svng ègòngv́mnø̀ng dvgvp, wervp svng mòngzø̀l lòng leqlúnnøng, wa shèmánanøng. 

Wervp lún vpǿ we í nìnø, namaqí dègǿngānøng we mòngzø̀l lòng nø wervp svng laq tuq daq; lún màpǿ we í nìnø, namaqí shèmánanøng we mòngzø̀l lòng nø namaq svng laq vtv́ng rā.