40 ni Vm aq vnvtshì nø vjúrøt shìlvm rvtø lvngcha taq kadø vl vdu we

40 ni Vm aq vnvtshì nø vjúrøt shìlvm rvtø lvngcha taq kadø vl vdu we

Svrabín koqkámpè Francis taq kèní shvngøt dvtú we mvcøng shì lvm tvrà rì

Tidá vsvngrì kaq mvwámshì kà mvshøn lvm nvng dvsháza shóngnøt í nøt shvløm kàrì shøn lvm.

Nøt dvcvmshì nø àngdè ò lvpat tvrà dvpat àngdèò shvnvng gòr gòr taq vlwe shvla we vsvngrì kaq oqà wá shárà we.

Shvmná vsor we nøt laqyà rì mvwáshì lvm nvng cipshì we í nøt shvyvng shì ràwe.
Dang vrvm svng màshvla we tvrà yvngkèní yv:ngò we do møí nø dvdam nøt í cúnshì lún ràwe.

Tuqrawe lvpat tvrà rì dvpat nøt dvbum shàì we wa møí dø àngdè ò lvpat tvrà svng gvray kaq ap shì ràwe nvng àngdè ò lvpat tvrà svng shèr dø shvng shvng wa vl shá ràwe.

Mvhøt we nøtbùm lvm tvràrì svng wa màdvda:mì nø gvray kaq vjú røtshì we dang taq dvzaq shàì, kù:ngà lu shàì.
Àngdè ò ni vrvm lvpat tvrà dvpat dvbù lvm dangrì svng wa dvdam shàì nø vl shárà we.

Àngdè tiqgøò vjúrì dvpvt wa dvdam shàì wedø mø:í nø tiqdá vsvngrì kaq gø dvsháza shóngnøt gvl shì lvm wàì. Vzi vrùng wawe tvrà rì svng mvwàì nø mvrà chutā kéì weí vzøm vzvp vrvm vrá lúnlvm dvzaq shàì.

Àngdè tiqgø taqkèní shønwe døwa møí nø vsvngrì ò shønkà rì gø táā lúnwe laqyà rì gvlshàì.