Angni angrvtø̀ rvwv̄n shá rà we

Angni angrvtø̀ rvwv̄n shá rà we

 A:ngí rá vsvng loksokrì svng yadø a:lòe. “Nv̀mløp lapmø rvmøt tiq pù būng long we svng
èyv̀ng bǿnøng ke namaq nø, ‘Shø̄ zaq daqe èwànø̀nge,’ wedøni bø̀n daqe. 

 Vrá, tvnuni nv̀mbø̀ng wa ra we èyv̀ng bǿnøng nìnø, ‘Nv̀m gàng rae,’ èwànø̀nge. Wedøni í rae.
 Nøt vnínøt ècv̀nnø̀ng rìé, muqlàng nvng rvgaq svng èyv̀ngnø̀ng weí lv̀ngcha rvwv̄n dv́ng
èshánøng nìnø, rvgaq mvpìm yabàn ang rvtø̀ svng nø pawá dak mèshánøng ma?

 Namaqí nø pàwálv́m kapà vdū màdu lòng namaq vdèí rvwv̄n mèshánøng ma?
 Nà nvng nàkokéshi gǿ nvng dvrá vjì yv́ng svng èdìshì kē, tvrà rāmø ang nvng vrv́mlv́m
dèzaqshì. Wedø mø̀í nø a:ngí nà svng dvrá vjì mv́rdv̀ngø dèhøq bø nø, Dvrá vjì pèí nø ang
cìlcè svng tèlē bø nø, wepèí rá tūng taq èróng bø̄e. 

 Ngàí v̄lvtnøng, bèshàn tiq gø̀mcè gø mvngv́mshì høq waq mèdá:ngò dv́ngte nàí nø kadø ínìgø
weyv́ng kèní lō mèlún lú:ngò,” a:lòe.