Butdvshi kàshvbóng

Butdvshi kàshvbóng
 Lamboq rìí zidòng màlv́ng vná dárà nø, kùngshí vdòngø zidòng tiq chv̀ng wa v̄le. A:ngí angmaq svng, “Farisirì butdvshi nvng Herod butdvshi svng pán vshat nàyáshìnøng,” a:lòe.  Wekvt angmaq nø angmaq vrùng nø, “Nøngmaqí zidòng màlv́ng vná dv́rshà rvt wa pà íe,” wae.  Welòng svng Yesuí dǿm bǿà nø a:lò we nø, “Namaq zidòng mèv́lanøng rvt pàwá nàrùngnønge ma? Akvt høq namaqí mèdǿmnøng ma? Akvt gø mècíngnø̀ng ma? Namaq nøt shèngarshìnø̀nge ma? Namaq nø nē nàdánø̀ng nìgø mèyv̀ngnøng ma? Vnà nàdánø̀ng nìgø mètánøng ma? Ngàí wedv́ngte wv̀ng bǿngà rì mèmèsøngnøng ma?  Ngàí zidòng pungwà chv̀ng wa vmøtnò nø vsvng pungwà kíng svng vwálangò ke vché rì namaqí kadv́ng jv̄ng rèkulvpsha ma?” a:lòe. Angmaqí Ang svng, “Tiqcé vní jv̄ng íe,” a:lòe.  A:ngí rá, “Vsvng vbì kíng dvpvt shvngøt chv̀ng vmøtnangò ke, vché rì kadv́ng jv̄ng rèkulvpsha ma?” a:lòe. Angmaqí rá, “Shvngøt jv̄ng íe,” a:lòe.  Wekvt A:ngí angmaq svng, “Ini akvt høq mècíngnøng ma?” a:lòe.