Cìldø̀ngrì Angkàngpè Gvray yadø shø̀ne;

Malaki 3:1-4,23-24

Cìldø̀ngrì Angkàngpè Gvray yadø shø̀ne; Eyv̀ngnøng, Ngà dvzv́r Ngàí dvzv́r dakngò nø, wepèí nø Ngà vzv̀ngzv̀ng tvrà dèchangang longe. Wekvt nàmaqí èlánø̀ng we Vkàngpè nø, Ang shànshér Tø̀ngnø svng chvnvnv́n tuq daqe. Namaq shèrúngnø̀ng we kàgvp gvsà pè nø kulà, tuq daqe, wa Cìldø̀ngrì Angkàngpè Gvray shø̀ne. a Iwe, Ang tuq daq we angni svng kagǿí tø̄n zá:nòe ma? Ang yv́ngshì daq kvt kagǿí rip lú:nòe ma? Kadø íe wani Ang nø dvchǿngshú svmi dø vshv́m nø, dvrè zá:lò gǿ ang sapya dø tiqdvchá íe. b

Wekvt Ang nø gv̀msùng dvchǿngshú dø wáshì sórí rūng lōng nø, Lewi angcǿ angcèrì nø Yehowa svng døngman we núngpà shvrúng shvlálv́m rvt, angmaq svng gv̀msùng vshé dvchø̀:ngò pādø, A:ngí dvchø̀ng daqòe. c Wedvgvp nø Yuda nvng Yerusalem kèní núnglv́m shvrú:ngòrì nø cārvmàng rvtø̀ døni, darì nǿngla taq døni, Gvray wv́mshì weí vrá zø̄a lú:ngòe. wàe. 

Vpøí we vnvmchvngmaq   Kà -dvtutshú pe Malaki taqkèní dvshat we mongkà taq,  Israel dvci dvgøng rì, lewi dvcì dvgøngrì, yuda, yerusalem wama taq vl rì, Vsvng pvn dvcì dvgøngrì shvngbe Gvrayí dvgø'ò we rvtø taq chutchvng we jèjú vtoshì lúnlvm rvt vzàng kaq tvrà dvchønga we  Kà dvtutshú tiløp yohan gvldaqòe wā dvkvme we mongkà íe.