Cìldùpè dvzø̄mshú dvbā:nò we

Cìldùpè dvzø̄mshú dvbā:nò we

1 Yesuí nø bashà rìí táò yv́ngø kà yarì shvngbe shǿn dv́ng bǿà kvt, Kapernum mvrìng svng dìá:mì. a

2 Wekvt cìlcè tiqyá øpshú dùpè ang shóngshì we vshuq tiq pè nø zā nø tvnéné shìlv́m dv́nshie. b

3 A:ngí Yesu mòng tá bǿà kvt, Yuda vsvng shaqré shaqtvngri dvzá:rò nø, Yesu di ra weí ang vshuqpè gø̀nshaq dvcúnalv́m røtshìe.

4 Yesu yv́ng angmaq tuq ráì nø, Ang svng kórshì sórí, “Nàí ang svng dèba:ngò nìnø ang nø dvbvng vpǿe.

5 Pàwálv́m wani ang nø nøngmaq dvcì svng shóngshì nø, júrøt chø̀m gø èwáā yv̀ngshà,” a:lòe.

6 Wekvt Yesu nø angmaq nvng tiqdø dìá:mì. Wechø̀m kèní kadv́ngte màrúm yv́ng tuq ráì ke, cìldù pèí ang rv̀mnvng rì dvzv́ra:tnà nø v̄l dvzá:rò we nø, “Vkàngpèá, dvshá mèwashì rani. Pàwálv́m wani ngà chø̀m rvgùng lv̀ngpvng Nà gònglv́m nø ngà màpǿng.

7 Wervtnø̀ Nà yv́ng svng dìlv́m gø ngà nø màpǿng, wvng dvdvmshøng rvtnø, Nàí kà tiq kàcè shǿn dv̀ng èwàò, wekvt ngà dvzø̄mshú pè nø bānvme.

8 Kadø íe wani ngà gø vsvng vmíng vkv́ng lv̀ngpvngø vl we vsvng ǿngàe; ngà lv̀ngpvng gø cìlcè v̄le. Wervtnø̀ ngàí yapè svng, ‘Edivm,’ v̄lò nǿng ang div̄me. Ku pè svng ‘Èdi ra,’ v̄lò nǿng ang di rae. Ngà vshuq pè svng, ‘Yalòng èwàò,’ v̄lònøng gø a:ngí wàòe,” a:lòe.

9 Kà yarì Yesuí tá bǿà kvt cìldù pè svng vtiq lú:ngì nø, Ang mèpvng cv̀na:tnà vsvng loksokrì kaq lv́m poshì sórí, “Ngàí namaq svng v̄la:tnìni, Israel dvcì dvhø̀ taq dv́ng kv́mnøt yadv́ngte te we nø tiq gǿ gø mvyv̀ng dv́rò,” a:lòe.

10 Dvzv́r a:tnà rì nø chø̀m svng vtv́ngá:mì kvt, vshuq wepè bān dá:rì we svng yv̀ng bǿà.