Cipshìlv́m shvngøt we

Cipshìlv́m shvngøt we
 Wervtø̀ taq coqcv́nrì nø Yesu yv́ng svng di ráì nø, “Muqlàng móngdàn vdòng taq té rīng we nø kagǿ íe ma?” wa rø:tnòe. Yesuí cv̀mrécè tiq gǿ goa:tnà nø angmaq dvhø̀ø shvri:pmò sórí,  a:lò we nø, “Ngàí namaq svng v̄la:tnìni, namaq nàwv́ngshì ránøng nø, cv̀mrécè døni mèí lóngnøng kvt kèní nø, muqlàng móngdàn svng nø kadø ínìgø góng mèlúnnøng. Kagǿ ínìgø cv̀mré yagǿ dø ang vdè cipshì gǿ nø muqlàng móngdàn taq té ring gǿ íe.  Kagǿ ínìgø Ngà bø̀ng taqkèní cv̀mré yagǿ dø í we tiq gǿ svng vtōò gǿí nø Ngà svng nàtōng we íe. Kagǿ ínìgø Ngà svng kv́m we cv̀mré yarì taqkèní tiq gǿ svng nøt vtøp* dvzá:rò gǿ nø ang lóngjvng taq loklv̄ngmè tiq chv̀ng dvchū:ngò nø, tìdøm naqràng svng songløp dvjáò sórí dvshíò lòng nø ang dvpvt té shvlae.
 Wervtnø̀ cv̀mré yarì taqkèní tiq gǿ svng gø yv́ng mvtv̀má:mò dø mvwàlv́m rvt nàyáshìnøng. Namaq svng Ngàí v̄la:tnìni, muqlàng taqlapmø v̄l we angmaqò dvzv́r rìí nø, muqlàng taqlapmø vl we Ngà Vpè mv̀rshv̀m svng nv̀nnv̀n yv́ng lú:nòe.  Kadø íe wani Vsvng Angcè pè Ngà nø, vmv́ngá:mì we vsvng kaq chv́nglv́m dø̀ng dakngà we íe.  Welòng dø tiqdvchá muqlàng taqlap vl pè Nvpèí nø cv̀mré yarì taqkèní tiq gǿ gø̀nshaq svng gø vmv́ng mvkā:mò we íe.