Coqcv́n wáshì mvyǿ rì shvngø:tnò we

Coqcv́n wáshì mvyǿ rì shvngø:tnò we

25 Vsvng loksukngí Ang svng cà:nò ke Ang lv́m pōshì nø angmaq svng yadø a:lòe. 26 “Ngà yv́ng di ra vsvng kagǿ ínìgø, vdè angpè angmè, ang chø̀mmè angcǿ angcèrì nvng angnv̄m angchvng rì svng gø; vrá, wemvdv̀mø vdè gø̀nshaq svng gø, shvngōshì we mø̀í kvt kèní nø, Ngà coqcv́n wá mvlúnshì. kl 27 Vrá, vdè wurgang baqshi taqsórí Ngà mèpvng mvcv̀n we kagǿ ínìgø, wegǿ nø Ngà coqcv́n wá mvlúnshì. m 28 Namaq dvhø̀ø̄ tiq gǿí, muqtū chø̀m* tiq chø̀m lādv́ng vrv̄ng mvyǿ nìnø, dvdv́nglv́m dvpǿ vl màvl wa nø dit rung dá:ngí vzv̀ng mvsu:nò we kagǿ v̄le ma? 29 Wedø mø̀ínī a:ngí chø̀mpøt vrā:ngò dá:ngí, màdvdv́ng lú:ngò nìnø, yà:ngò rì shvngbeí ang svng zerke lú:ngò nø, Vsvng yapèí nø chø̀m wá pv́ng pà:ngò nø, dvdv́ng lā mvngut dárà,’ wa longe. 31 Vrá, koqkv́m tiq pè nø cìlcè tiq mùn shø:lò nø dvgá koqkv́m nvng vshvtkelv́m búngv̄m dvgvp, cìlcè vní mùn shø:lò nø ang nvng vshvtlv́m dì ráì pè svng vtú dv́ng mvdv́nglv́m í we svng, dit rūng nø vzv̀ng mvda:kngò we kagǿ v̄l ma? 32 Dv́ngkélv́m dø mø̀í kèní nø, koqkv́m wepè nø vrúm yv́ngø shini vl dvgvp gvsà dvzá:rò nø, vrv́m vrálv́m røtshì rà we íe. 33 Welòng døni namaq gø, vdè nàdánø̀ng dv́ngte mègurnøng kèní nø, Ngà coqcv́n wá mvlúnshì.