Coqcv́n wáshì mvyǿ we vshø̀m gǿ svng vlø:tnò we

Coqcv́n wáshì mvyǿ we vshø̀m gǿ svng vlø:tnò we
Angmaq wedø tvrà di dvgvp, vsvng tiq gǿí Ang svng, “Nà kayv́ng èdi nìgø Nà mèpvng ngà cv̀nlv́m íe,” a:lòe.  Yesuí ang svng, “Svwì gø ang dùng vdáe; vháng rāmò carì gø angdv̀ng vdáe. Iwe vsvng Angcè Pè nø vgo mvkø̄m rà cè gø màdá,” a:lòe.  A:ngí vrá tiq gǿ svng, “Ngà mèpvng ècv̀n ra,” a:lòe. Wepèí nø, “Vkàngpèá, ngà vpè svng vzv̀ng kǿm rángònøng,” wae. Yesuí ang svng, “Shìrì svng nø shìrì angmaq laq kømshi. Nàí nø Gvray móngdàn dèshvng bǿò,” a:lòe.  Dvgá tiq pèí gø Ang svng, “Vkàngpèá, ngà gø Nà mèpvng cv̀nvtnøng; í we ngà chø̀msv̀ng rì kaq vzv̀ng pamvra vl bǿngònøng,” a:lòe.  Iwe Yesuí Ang svng, “Rvmá màlv́m shǿng dvgoq lòng zø̀:mò dá:ngí, mèpvng kaq dvjaq vsvng kagǿ ínìgø Gvray móngdàn lún màpǿ,” a:lòe.