Cv̀m bv́ngkà taq góng rà we

Cv̀m bv́ngkà taq góng rà we

22 Yesu nø Yerusalem svng di sórí wamà, rìngzì rvgaq taq mvshǿl shvngø:tnòe. 23 Wekvt tiq gǿí Ang svng, “Vkàngpèá, gø̀nshaq chv́ng lún vsvngrì nø tiq hvn wa í ma?” wa rø:tnòe. 24 Yesuí angmaq svng, “Ngàí v̄la:tnìni, bv́ngkà mvchím lòng taqkèní góng lúnlv́m dèzaqshinøng. Pawá wani dvgáni nø góng mvyǿ nìgø góng mvlú:nò we vsvng mvme v̄l longe. l 25 Chø̀m angkàng pè búng nø bv́ngkà kvlaq bǿò kvt, namaq nø vngám lapmø èripnø̀ng nø, bv́ngkà nàkoqnøng sórí, ‘Vkàngpèá, nøngmaq svng bv́ngkà ètá:na daqshà,’ èwànø̀ng nìgø ‘Namaq svng Ngàí mvsháì, namaq nø kayv́ng kèní èínøng we gø Ngàí mvsháì,’ wa nø natv́nvtnønge.Wekvt namaqí, ‘Nøngmaq nø nà mv́rdv̀ngø v́m aq yv̀ngshà; Nàí gø tvrà nvmdø̄ng yv́ngø nøngmaq lēshèngøt yv̀ngshà,’ èwà lóngnønge. n 27 Iwe A:ngí nø, ‘Ngàí namaq svng v̄la:tnìni, namaq kayv́ng kèní èdì ráshà we Ngàí mvsháì. Mvgv̄m màshvla we bv̀nlì èwànø̀ng rì namaq shvngbe nø Ngà yv́ng kèní èrv́lshìv́mnøng,’ èv̄lvtnønge. o 28 Namaqí nø Abraham nvng Isak nvng Yaku nvng kàdvtutshúri shvngbe nø Gvray móngdàn vdòng taq v̄l we svng èyv̀ng bǿnøng nø, namaq svng nø vtv́ng lap kaq èkwān bǿnøng kvt namaq shà nàjitshìnøng nø èngǿ lóngnønge. p 29 Vsvng rì nø nv̀msvr nv̀mløp kèní gø, tvnūgo tvnūni kèní gø kø̀m ra nø, Gvray móngdàn vdòng taq v́mlv́mangmaq rúngrà taq rūng longe. q 30 Etánøng, lv̀ngdø̀m rì tiqmaq nø métiq í lōng nø, métiq í rì tiqmaq nø lv̀ngdø̀m kaq vja lōnge;” a:lòe.