Dø̀ngku vkàng mvdaq we

Dø̀ngku vkàng mvdaq we
1 Yesu nø we gùrwang kèní búngá:mì nìnø, Yordan tìwàng kupa, Yuda gùrwang svng tuqá:mì. Vsvng loksok nø vrá tiq kvt Ang yv́ng svng kø̀m ráì. Ang angwà wá yà dø, A:ngí angmaq svng shvngø:tnòe. ab 2 Wekvt Farisirì nø Ang svng vløt lv́m dì ráì nø, “Lvngàré tiq pèí ang chø̀mmè svng gur daq mvdaq ma?” wa rø:tnòe.

3 A:ngí angmaq svng, “Moshií namaq svng kadø dèkv́m yv̀ngshà ma?” a:lòe. 4 Angmaqí, “Moshií nø chø̀mmè gur kàru zí dá:ngí nø ang chø̀mmè svng gur dv̀ng íe, wa nø vkv́ng zí yà:ngà,” a:lòe. c 5 Yesuí angmaq svng, “Namaq nøt èzaqnøng rvt a:ngí dvkv́mkà welòng nàrua yv̀ngshà we íe. 6 Inìgø, muqlàng rvgaq nv̀mlat má:nò yv́ng kèní Gvrayí nø angní svng svma lvngà shvgøp mv́n yà:ngà. d

7 Wedø í rvt lvngàré nø angpè angmè kèní rv́lshì nø ang chø̀mmè nvng vzø̀mvme. e 8 Weyv́ng kèní angní nø tiqshing tiq góng wa ív̄me. Wekvt kèní angní nø vní gǿ nø mø̀íá:mì; tiqshing wa íá:mì. 9 Wervt nø Gvrayí dvhǿmshaq lòng svng nø Vsàngí laq màdvka:ngò,” a:lòe. 10 Angmaq chø̀m vdòng svng gòngá:mì mèpvng, coqcv́nrìí vrá Ang svng wedang rø:tnòe.

11 Yesuí angmaq svng a:lò we nø, “Kagǿ í nìgø ang chø̀mmè svng gu:rò nø dvgá tiq mè nvng shvzøngshìvm gǿí nø, ang chø̀mmè svng vléò we nvng dvchap mvrà wàò we íe. f 12 Vrá svmaréí gø ang chø̀mpè svng gu:rò nø dvgá tiq pè nvng shvzøngshìvm nìnø, a:ngí gø dvchap mvrà wàò we ni íe.” a:lòe.