Døngman we koqkv́m tuq daq we

Yeremia 23;5-8 Døngman we koqkv́m tuq daq we

Yehowa yadø wae, “Eyv̀ngnøng, Dawi dvpvt døngman we gvlø̀m tiq gùng Ngàí shøl dvzv́r lóngò we angnirì tuq rae. Ang nø zitnøt v̄l we koqkv́m wáshì long nø, móngdàn vdòng taq dvrá dø vdu vbóng dø wà lú:ngòe. e6 Ang lvpat taq Yudaí nø chutchv́ng we lún lú:ngòe; Israelí gø pànøt mànøt v́l lún lú:ngòe. Ang bø̀ng nø, ‘Nøngmaq svng Døngman Dvzv́rshú Yehowa,’ wa tǿ lú:ngòe.” f

Yehowa vrá yadø wae, “Iwe èyv̀ngnø̀ng, vsvng nø, ‘Israel dvcì cèrì kaq Ejip móng kèní vgùng yà:ngà pè Yehowa cúnshì dìng dø tiqdvchá,’ wa vrá màdvgv́mshì long we angni tuq rae. g
8 Iwe angmaq nø, ‘Israel dvcì pvlí pvlaqrì svng lùng yà:ngà we tvnugo móng nvng dvgá móngdàn rì shvngbe taqkèní angmaq svng vrá vtv̀nga:tnà pè Yehowa Ang cúnshì dìng dø tiqdvchá,’ wa mv̀ng dvgv́mshi longe. Wekvt angmaqí nø vdè rvgaq vdè móng taq vrá vl lún lú:ngòe,” wae.

Vpøí we vnvmchvngmaq tábø shà we mongkà taq Dawi dvcì dvgøng taqkèní chvngshú Gvray Koqkvm àngshvr tiqpè dvzá:rà daq íe. Àng nø namaq nvng tvp wa vl lu:nge. Àng móngdàn gø dvciq lvpat dìngà:ng lúng nø Vsvng pvn dvcì vrvm i gø chutchvng we jèjúrì vtoshì lúnlvm í lùnge,wanø dvkvme. Kvm we rvzvngcerì gø'vrvm mì gø Gvray mongzøl lòng vtōshì lúnlvm vlē walong svng shvdøm we mongkà íe.