The Epiphany Sunday

Yesuí coqcv́n tiqcé vní pè rvcà:ngò we

 Mèpvng Ang nø mvrè tiqyv́ng svng rvlv̀ng nø, Ang go mvyǿ we tiq mvdò svng go bǿà nìnø, angmaq ang yv́ng dì lú:ngì.  Ang nvng tiqdø v̀llv́m gø, mvshǿl dvshvng dvzv́rlv́m gø, vsvng tiqcé vní pè rvcà:ngò dá:ngí angmaq svng Dvzv́r, wa bø̀ng tǿòe. Wekvtrá angmaq svng nø cáng lùnglv́m vmíng vkv́ng gø zíòe. Rvcv̀ng bǿà pèla nø yarì íe. Simon svng nø A:ngí Piter wā tǿòe. Boanerjis tǿò we, (wekà nø muq dø gø̀m cèní wa kà íe.) Zebedi angcè Yaku nvng angnv̄mpè Yohan, Anderu, Pilip, Bartolemi, Mati, Toma, Alpiu angcè pè Yaku, Tadiu, Kanani* pè Simon nvng; Ang svng nv̄mvmlv́m pè Iskariot vsvng Yuda íe. Wemèpvng angmaq nø chø̀m svng lò ráì nìnø, angmaqí v́mpà v́m gø mvlú:nò høq, vsvng loksok vrá tiq kvt kø̀m ráì. Ang rvp vsvng rìí yalòng tá bǿà kvt, “Ang nø nøt mvriqá:mì pà íe,” wa nø, Ang svng lùlv́m búngá:mì.