Farisirì svng nga:nò we

Luka 11:37-41 Farisirì svng nga:nò we

Yesuí kàshǿn dv́ng bǿà kvt Farisi tiq pèí, ang nvng v́mpà v́mlv́m Yesu svng gōòe. Wekvt Ang gòngá:mì nø v́mpà v́mlv́m námrunge. t38 Vmpà màvm vzv̀ng Yesu nø vtóng vl dø wur mvsiqshì we svng, Farisi pèí yv̀ng bǿà kvt ang dàe. u

Wekvt Vkàngpèí ang svng, “Akvt Farisirì namaq nø gwìn nvng bàn rì vtv́nglap wa èzv́lnønge. Iwe namaq vdòng rv́m nø tø̄lvmlv́m nøt nvng mvgv̄m màshvla we nøt dv̀n èzø̀ngnønge. v40 Angdál rìé, vtv́nglap má:nò pèí nø vdòng rv́m gø má:nò we mø̀í ma?41 Iwe dvshà rì svng èzí daqnø̀ng ke, vdòng rv́mø vl rì mv̀ng èzí nǿng; wekvt í dv́ngte nø namaq dvpvt mv́ngshèr we í longe. a:lòe.

Gvrayí nø ídvngte pvn vrvm shvngbe taqkèní shvlá vtvng ídø rvzvngcerì kaq svng èpvn èmá:n yvng sha we íe. Wervt  rvzvngcerì gø'vrvm nø zunshaì we lvpat taq Gvray vdòngø mvngshér dø shvzøngshì nø nøt mvsøn shagóng, Pvlàcè nonggùn kūngà lùshì lúnlvm nø gvzà vchvk ngè walòng svng Kà shvbóng taqkèní shvdøm we Mongkà íe.