Galili rvgaq Yesu tvríshì we

Galili gùrwang svng Yesu dì lú:ngì we
12 Yohan svng róng bǿà we kà Yesuí tá bǿà kvt, Ang nø Galili gùrwang svng yīlshìá:mì. kl 13 Vrá, Nazaret mvrìng kèní vcílshì ráì nø, Zebulun nvng Naftali gùrwang taqò tìnúng shvnv̄ng v̄l we Kapernum mvrìng yv́ng v̀lá:mì. m 14 Yalòng nø, kàdvtutshú Esaya taqkèní shø̀n yà:ngà kà dvhø̄:mò we íe. A:ngí shø̀n yà:ngà we nø, n 15 “Zebulun móng nvng Naftali móng, Yordan rvmè kūpā tám, tìnúng shvnv̄ng tìrìn tvràrà, wv́ngzà dvcì rìò Galili gùrwāng taq,
16 Dø̄lòng vdòngø rūng we bashà rìí nø, Gálòng rùngmè tiq lòng yv̀ng lú:ngòe. Shì móng nvng ang bàngzì vdòng taq v̄l rì angmaq yv́ng svng gø, Gálù:ngí vwān daqòe,” wae. 17 Wervtø̀ kèní Yesuí mvshǿl dvshv̄ng pà:ngò nø, “Nøt èlíngshìnøng; pàwálv́m wani muqlàng móngdàn níshì ráì,” wae.

Galili rvgaq Yesu tvríshì we
23 Yesu nø Galili rvgaq shvngbe taq tvríshì nø, angmaq júrøt chø̀mrì taq shvngø:tnò nø, muqlàng móngdàn Dvbùshv̀ngkà dvsha:ngò sórí, bashà rì dvhø̀ø̄ dvjv́ng, zøtna angpv̀npà:ní ziqkéò vsvng shvngbe kaq dvbānaòe. t 24 Wekvt Ang shv̀ngkà nø Siria móngkøp taq shv̀ngá:mì nø, zā vsvng shvngbe, zøtna angpv̀npà:ní ziqkéò rì, cá:ngí dvrūkéò rì, timkéò rì nvng hí wūr vzø̀m shì rì shvngbe nø, vsa:ngí Yesu yv́ng svng shøla:tnà nø, A:ngí angmaq svng dvbānaòe. u 25 Wekvt nø Galili nvng Dekapoli rvgaq, Yerusalem nvng Yuda rvgaq nvng Yordan tì kupā rvgaq kèní vsvng loksu:kngí Ang svng cà:nòe.