Kàngpè Yesu dvkv́m kà

Kàngpè Yesu dvkv́m kà
 A:ngí angmaq svng, “Namaq nø móng døngtáng svng èdìnøng nø, svng pv̀n í dv́ngte svng Dvbùshv̀ngkà dèshvng bǿnøng.  Kv́m nø tìløp løpshi gǿ nø gø̀nshaq chutchv́ng lúne; mvkv́m gǿ mv̀ng nø kàngé we vhǿmlv́m íe. Vrá, kv́m vsvngrì svng nø shálv́m mvshv́lpvrá yadv́ng pà:ní cv̀n lú:ngòe; Angmaqí nø Ngà bø̀ng kèní cángrì lùng bǿòe; dvgá pv̀n kà angshv́r gø angmaq shø̀n longe; Bø̀ svng angmaqí zø̀:mò nìgø, shì rā pà mvtøq pvla tiq pv̀npv̀n angmaqí aq vdu nìgø, angmaq kadø gø mø̀í long. Vrá, zarì mvdv̀m angmaq wur hapshì kvt nø zarì ban longe,” a:lòe. 
Yesu muqlàng kaq rvlv̀ngám we
Vkàngpè Yesu nø angmaq svng kà shø̀n dá:ngí, Ang nø muqlàng taqlap svng tv̀m vbun bǿà nø, Gvray vbàng pa yv́ng rúngá:mì. Wekvt coqcv́nrì angmaq búngl á:mì nø, kayv́ng màyv́ng mvshǿl dvshvng bǿà. Vkàngpè gø angmaq nvng tiqdø bv̀nlì wa nø, angmaqí dvsha:ngò we mòngkà nvngnvng shálv́m gømlā dvzà:nò weí shvkse wàò nø shvdøng shvngà:ngòe.