Kàngpè Yesu wawe bø̀ng nø muqlàng kèní tuqráì we ínø̀ chø̀myo vjø̀ng Mari yv́ngkèní shøq daqà we íe.

Mati 1:1-17
Dèni tálúnshì we jømciqrì taq Yesu kristu tuqrawe dang nvng àngò dvcì mvshǿl svng tálún bǿshàwe ínø àngò lvpat tvrà svng gø gùn dvtøp shàì.
Kàngpè Yesu wawe bø̀ng nø muqlàng kèní tuqráì we ínø̀ chø̀myo vjø̀ng Mari yv́ngkèní shøq daqà we íe.Àng télú:ngì we dø̀ngku taq àngpè Yoseph nø laksvmá tiqgǿ ínø Yesu àng cv̀m lvpat kèní Gvray tvrà nvng singwe dangrì Parishi rìnvng dvmv̀n we rì wáshì yv̀ngì wegø íe.

Kàngpè Yesu kristu nø àng vdèni Gvray íwe dang chapdvp vtàn yv̀ngà wegø íe. Yesu Kristu í shì vsv̀ng 3 gø kaqsvng gø dvzun yv̀ngà. Yesu í nga 2 go nvng zidòng mok 5 chang taqkèní vsv̀ng 5000 gǿ svng shv-vmò we nvmik gømlarì gø dvtan ráà wegø íe. Àngnø shì yv́ngkèní 3 ni wani taq vrá zun lú:ngì nø dvzv́r 12 gǿ kaqsvng gø 12 boqdøp púng dvgúrì dvtan ráà wegø íe. Yesu kristu shø̀n yv̀ngì wetaq ngànø mònggv̀n vlevm we ni høqshaq nàmaqnvng tiqdø ni vl longe wanø kàciq gv́lshì shaqgø íe. Weratnø Yesu vdòng taq vlǿm shàì nø lvpat cúnshì lv́m ègoì wegø íe.

Add new comment

1 + 5 =