Kristu nvng tiqdø shì nø zūn long we

Wedø í rvtnø, góngsha mapnøt mvlánøt tvrà svng lvcv̀n lvta dø wà lú:ngò we mvràí, bøp sháò we nàmaq shagóng svng øp mèdèzv́rshinøngni. j

13 Vrá nàmaq góng dvgv̀ngrì gø; mvdø̀ng mvman we dvzøm dvrè rvcí, mvrà svng tvle mèmv̄nshìnøngni. Dvshàshà lè, nàmaq nø shì yv́ng kèní cúnshì lú:ngì vsvng èínøng dø tiqdvchá, vdè gø̀nshaq nø Gvray kaq tèleshìnø̀ng dá:ngí, nàmaq góng dvgv̀ngrì gø døngman we dvzøm dvrè ílv́m Gvray kaq mv̀ng shèrúngshìnøng. k

14 Kadø íe wani nàmaq nø Dvrá lòng lv̀ngpvngø mèv̀lnøng dø, jejú lv̀ngpvngø lè èv̀lnøng we írvt, mvrà nø akvt kèní kukaq nàmaq mvdv̀mø vrá angkàng wáshì dvzv́rlv́m mø̀íá:mì.l
15 Wedø íni kadø íe?

Nøngmaq nø Dvrá lòng lv̀ngpvng mø̀í dø, jejú lv̀ngpvng lè a:lì we í rvtnø, mvrà wá mvnshàìni ma? Wedø nø kadø wa í lvdaqni! m 16 Namaq vdè nø kagǿ kà svng táa nø ang vshuq wáshìlv́m tèleshì bǿnøng kvtnø, angkà ètáanø̀ng we wegǿ vshuq lè èínønge; Mø̀íni shìlòng kaq dvtuq we mvrà vshuq; mø̀íni døngman we dvdut lúnlv́m yv́ng svng shøl we kà tálv́m lòng nàmaq rvcv̄ngshì rà we mèsháshìnøng ma? n

17 Vzv̀ng nàmaq nø mvrà vshuq èwáshì yv̀ngshà nìgø, nàmaq kaq tvle yà:ngà we shvngøtkà angdvlà svng akvt shòshò wa nø:tní ètá bǿshà rvtnø Gvray kaq oqà! 18 Vrá, mvrà kèní shvláng èlún bǿshà dá:ngí, nàmaq nø døngman lòngò vshuq èív́mshà.o