Kristu vdòng taq tiq góng wa í we

Kristu vdòng taq tiq góng wa í we

 Yadø í rvtnø, Vkàngpè dvpvt vróngshaq pè ngàí nø, namaq svng līna:tnìni. Namaq svng ègo bǿshà tvrà taq goshùshv́ng dø tènùngnøng.  Kapà yv́ng ínìgø,

cipshìnøt nvng køn nø nøt yvng we nøt èv̀lnøng.

Shóngnø:tní nàtø̄na kénøng. Vrv́m vrá we svnhǿ:ngí nàdǿnshìnø̀ng. Shanshér Pvlàcèí zi daq we tiqnøt tiq mvyùng wáshì we nøt svng màshvmv́nglv́m

dèzaqshinøng.  Namaq svng nø nøt vlǿmrà tiq lòng taq wa ègo bǿshà dø tiqdvchá, góng gø tiq lòng*, Shanshér Pvlàcè gø tiq gǿ wa íe.  Angkàng gø tiq

pè wa, kv́mnøt gø tiq pv̀n wa, tìløp gø tiq pv̀n wa íe.  Shvngbe mvdv̀m taq, shvngbe dvhø̀ taq, shvngbe vdòng taq vl we, shvngbeò Angpè nvng Gvray

gø tiq gǿ wa íe.

 Wedø ínìgø Kristu Ang gønpaq zìdvng kadø vl nìnø, vl dø tiqdvchá nøngmaq tiq gǿ nø tiq gǿ svng jejú nàwv́naìeA:ngí zí daqì we gønpaq lòng nø, dvzv́r

wáshìlv́m tiqmaq, kàdvtutshú wáshìlv́m tiqmaq, Dvbùshv̀ngkà dvshv̄ngshú wáshìlv́m tiqmaq, bv̀nlì roqshú nvng shvngøtshú wáshìlv́m tiqmaq í nø,

 dvzøm bv̀nlì taq noqshirì svng køtkø̀m dvgø̀ dvzøpmāò nø Kristu góng í we shvngø̀mré svng vháng vlún dvzá:rò yv́ng kèní,  nøngmaq shvngbe nø

kv́mnøt nvng Gvray Angcè pè kaq sháò dang taq tiqnøt wa í lú:ngì høq tétǿng dèzá:rì nø, Kristu Ang shvbóng shvmvtshirà svng rǿnkéì høq Pvlàcè

vdòngø tétǿng lú:nòrì í lúnlv́m rvt íe.