Màá Cáng lù:ngò we

Màá Cáng lù:ngò we
 Vsvng loksokrì yv́ng svng angmaq tuq daqì kvt vsvng tiq gǿ Yesu yv́ng dì ráì nø, Ang mv́rdv̀ngø bvnciq tūshì nø,  “Vkàngpèá, ngàcè pè svng dvshá èzāngāngà. Ang nø nv̀mrùl í nø, vtv̄ng kèní mvhøtne; svmi taq gø, tì taq gø, ang kvtkvt vkupmv̄me.  Ngàí Nà coqcv́nrì yv́ng svng ang shø̄lvtnà we, angmaqí ang svng dvbān mvdá:ngò,” a:lòe.  Yesuí vtà:ngò nø, “Kv́mnøt màdá, mvgv̄m we mvrīl cèrìé, Ngà nø kadvgvp høq namaq nvng v̀llv́m í ma? Kadvgvp høq namaq svng tø̄nāìni ma? Ang svng Ngà yv́ng èshøla:tnò,” a:lòe.  Wekvt Yesuí cáng kaq ngv̄n bǿà nìnø, cv̀mré gǿ kèní cáng lúshiá:mì nø, cv̀mré pè nø welv̄ng ni chàng bāná:mì.  Coqcv́nrì nø Yesu yv́ng mvyø̀:ní dì ráì nø, “Cáng welòng svng nøngmaqí lúng mvdá:ngì we nø, pà rvt í ma?” wa rø:tnòe. j 20 A:ngí angmaq svng a:lò we nø, “Namaq kv́mnøt ècv̀mnøng rvtnø íe; kadø íe wani Ngàí namaq svng jø̀ngjǿng v̄la:tnìni, namaq kv́mnøt nø mvngāka shí tiq chv̀ng dv́ngtecè dv́ng èv̀lnøng kvt kèní nø, namaqí shigùng yalòng svng, ‘Yayv́ng kèní kuyv́ng èshøtshì,’ lā èvlnø̀ng nìgø, ang shøtshìv̄me. Wekvt nø namaqí wá mèdv́ngnøng we pà tiq pv̀n gø màvl long.