Màmvsø̄nga kélvm

Màmvsø̄nga kélvm

1 Yesuí Ang coqcv́nrì svng, “Nøt vtøplvmrà mvbūng dø nø wá mvlúnshì. Wedø ínìgø nøt vtøprà dvbūng lú:ngò gǿ mv̀ng nø mvhøt longe. 2 Cv̀mrécè yarì taqkèní tiq gǿ svng nøt vtøp dvzv́r* bǿò gǿ svng nø, ang lóngjvng taq loklv̄ng mè tiq chv̀ng dvchūng dv̀ng tìnúng vdòng svng gur bǿò lòng nø wegǿ dvpvt té shvlae. a 3 Namaq nàyáshìnøng. Nvnvm nvchā:ngì nàlévt nìnø, ang svng èngā:nò. Ang vwv́ngshì rā nìnø, ang mvrà èchutnaò. b 4 Tiq ni taq shvngøt kvt nàlévtnøng nø shvngøt kvt vwv́ngshi ra nø namaq svng, ‘Ngà nøt vwv́ngshø̀nge,’ wa rā ni nø, ang svng èchutnānø̀ng,” a:lòe. c 5 Wekvt dvzv́r rìí Vkàngpè svng, “Nøngmaq svng kv́mnøt shèluqashà,” wa røtshìe. d 6 Vkàngpèí, “Namaq kv́mnøt nø mvngāshí tiq chv̀ng dv́ngtecè wa la èvlnø̀ng nìnø, bvlø̄ngyì shǿng yagùng svng namaqí, ‘Yayv́ng kèní rø nvng èpúlshì nø, nvmukdvra taq èyovm,’ èv̄lnøng nìgø, ang nø n