Mv̀rshv̀m shø̀ngshang vmvtná:mì

Marko 9:2-13 mv̀rshv̀m shø̀ngshang vmvtná:mì

Vchuq ni vleá:mì ke Yesu nø Piter, Yaku nvng Yohan shø:lò nø, vháng we shìgùng tiqyv́ng svng rvlv̀ngá:mì. Wekvt angmaq mv́rdv̀ngø Ang nø mv̀rshv̀m shø̀ngshang vmvtná:mì. a3 Ang gwashi rì nø rvgaq mvdv̀m laqtun zá:lò we kagǿí gø wedv́ngte mùng dø zv́l mvsháò gvp shorshor wa vtvngshaq kvlàng lú:ngì.4 Eliya nvng Moshi gø dvtánshì daqì nø Yesu nvng kà dvmv̀ne.

Wekvt Piter tv́ngshì nø Yesu svng, “Rabbiá, nøngmaq yayv́ng a:lì ninø shvlae. Nøngmaq svng shìyat vshø̀m lòng, Nà dvpvt tiq lòng, Moshi dvpvt tiq lòng, Eliya dvpvt tiq lòng wá dèzv́rshà,” a:lòe.6 Piter wedø shø̀n we nø angmaq vtv̄ng kèní svreá:mì nø, kapà shø̀nlv́m gø mvshá bǿà rvt íe.7 Wekvt rvmøt tiqpùí angmaq svng dvkøq daqà nø, rvmøt vdòng kèní kà tiq lòng shø̀n daqì nø, “Yapè nø Ngà shóngshøng we Ngàcè pè íe. Ang kà ètánøng,” wae. b8 Angmaqí tiqdvshaqí gùrhøm svng yà:ngò nìnø, Yesu wa mø̀í nìnø, dvgá tiq gǿ gø mvyv̀ng bǿà.

Ang zūn longe wa rá dvtáò we

Shìgùng kèní angmaq shúngshì daqì dvgvp, Yesuí angmaq svng, “Vsvng Angcè pè shì yv́ng kèní mvzun long dv́ngte namaqí èyv̀ng bǿshà rì kagǿ svng gø mèdètánøng ni,” wa dvká:mòe. c10 Kà yalòng nø angmaq nøt vdòngø ríò nø, “Shì yv́ng kèní vrá zun longe,” wakà nø kadø í we svng wae má, wa nø tiq gǿ nø tiq gǿ tasv̀ng vrøtkee.11 Weyv́ng kèní angmaqí Ang svng rø:tnò nø, “Dvrá svrarìí, Eliya vzv̀ng di daqe wa nø lvshø̀:nòni, kadø íe?” a:lòe.12 A:ngí angmaq svng vtá:nò nø, “Íe, pv̀n vrv̀m shvngbe vrá dvcøp shvzø̄nga lv́m Eliya vzv̀ng dí ràe. Iwe Vsvng Angcè pè nø dvshàlv́m mvme pv̀n tønshì nø, vsa:ngí shvyǿm we vhǿm rà we nø kàru taq vrū yà:ngà we mø̀í ma? d13 Iwe Ngàí v̄la:tnìni, Eliya nø jø̀ngjǿng vdíshaq íe. Iwe kàru taq ang dang vrū yà:ngà dø tiqdvchá, angmaqí ang svng kadø wá mvyǿ nìnø wedøni wà bǿà,” a:lòe.e