Mvdv̀m kèní dì daqì pè Ang nø, shvngbe mvdv̀mø ringe

John 3:31-36 Shvngbe mvdvm Gvray mongzøl lòng laqtuqdaq. 

Ya lvban nø Vkangpè Yesu Hkristu shì yv'ngkèní zuná:mì we "Paska zunbóy lvngcha"  lvban (2) lvban wà lvban, nár vbíni ni svng gòng bø'shà we íe.Dèni rø vdù we Gvray dvbùshang mongkà nø Yohan 3:31-36 ciq vdòng taqkèní íe.

Tiløp Yohan dang 31 Mvdv̀m kèní dì daqì pè Ang nø, shvngbe mvdv̀mø ringe. Rvgaq kèní í pè ang nø, rvgaqò pv̀n í nø, rvgaq dang wa shø̀ne. Muqlàng kèní dì daqì pè Ang mv̀ng nø, vsvng shvngbe mvdv̀mø ringe. x 32 A:ngí vyv́ngshaq vtáshaq rì shø̀:nò nìgø, A:ngí shø̀:nò kà svng kagǿí gø màtōò. y 33 Iwe A:ngí shø̀:nò kà svng vtoò gǿí nø, Gvray nø dìnge, wa lòng svng shálv́m zangkwè gā:pmò we íe.

Gvrayí dvzv́r daqà pè svng nø Shànshér Pvlàcè dv̀n vlim dø vzíshaq í rvt A:ngí nø Gvray kàrì shø̀:nòe. z 35 Angpèí nø Angcè pè svng shù:ngò rvtnø, vl dv́ngte nø Ang wur taq vzíshaq íe. a 36 Angcè pè svng kv́m gǿ nø dvciq lvpat gø̀nshaq lúne; Angcè pè svng mvkv́m gǿí mv̀ng nø, gø̀nshaq yv́ng mvlú:nò. Gvray shv̀mná høpnøt nø ang mvdv̀mø vhap dv̀ng wae,” a:lòe. b

Vpø íwe vnvmchvngmaq Kvmnøntní wá mvlúnshì we pàgø mà-vl. Kvmnønt vl gø' ínø bønbúng ra we kùmlàrì svng cāò we mà-vl. Dìngman we Kvmnønt ínø kadø íwe àng dvjarì búng ra we ínigø Gvray mvdvmø Kà shvdiq dø:ngvng dø vpnóngshì lún we nònggùn vlē. Banchvkò ang mvtú rì svng gø lálún we gálòng íe. Kvmnønt nvng tiqdø shagóng vjang laqya shvlá dvtan lúnlvm rvt Gvray ínø nøngmaq gø'vrvm kaq svng ègo íè. Nøngmaq gø'vrvm kaq svng shvrúng we íe.