Mvngāka shí ó Butdvshi kàshvbóng

Mvngāka shí ó Butdvshi kàshvbóng
A:ngí angmaq svng kàshvbóng vrá tiq lòng shø̀:nò nø yadø a:lòe. “Muqlàng móngdàn nø, vsvng tiq gǿí rvmá taq wø̄n bǿà we mvngāka shí tiq chv̀ng nvng vbónge.  Yapv̀n nø angshí shvngbe taq cv́m vtv̄ng pv̀n íe. Inìgø wechv̀ng yo nø té lú:ngì kvt nø, vháng rām cārì di rā nø dvgv̀ngrì taq angdv̀ng wāshì høq,* vyúng kv̄n shvngbe mvdv̀m té tē sórí, shǿng tiqtø̀ng í longe,” wae. 

A:ngí angmaq svng kàshvbóng vrá tiq lòng shø̀:nò nø. “Muqlàng móngdàn nø, svmaré tiq mèí zōng tvnøt vshø̀m dvwv̄m taq butdvshi løp bǿò kvt, zōng tvnøt shvngbe but dvzv́r lú:ngò we butdvshi nvng vbónge,” a:lòe.  Yadv́ng pv̀n shvngbe nø Yesuí kàshvbóng kèní vsvng loksok mvdò svng shø̀:nò rì íe. Kàshvbóng kèní wa mø̀í nìnø A:ngí angmaq svng pàgø màdvshv̄ng bǿà. Yalòng nø, kàdvtutshú taqkèní shø̀n yà:ngà kà “Ngà nø kàshvbóng kèní nònggøp pūngshø̀ng nø, Rvgaq angké shvzøng dv́ng yà:ngà ni kèní yakaq, má yà:ngà rì nø Ngàí shø̀n lóngòe,”wakà dvhø̄m lúnlv́m dvpvt íe.