Nēzøq yv́ngshì dvzá:rò we

Nēzøq yv́ngshì dvzá:rò we
22 Angmaq nø Betsayda rvwá svng tuq ráì nìnø, vsvng rìí nezøq tiq gǿ shøla:tnà nø, ang svng lvshup a:tnò dø Yesu svng kórshie. k 23 Wekvt A:ngí nezøq gǿ wur zø̀:mò nø, rvwá nv̀mshv̀ng svng shøl bǿà.

Ang nē svng tø̄lí dvshaqò dá:ngí, ang mvdv̀mø Ang wur hapshì nø, “Nàí pà èyà:ngòe?” wa rø:tnòe. l 24 Ang dvjaq sórí, “Ngàí vsvng yv̀ngòe. Shǿngtø̀ng dø vshv́m we tvrà die,” a:lòe.

25 Wekvtrá ang vne taq Yesu wur hapshì nø dvjaq dvzá:rò nìnø, ang baná:mì nø, pà svng gø shànshàn wa yv̀ng bǿà. 26 Wekvt Yesuí ang svng shvloò nø, “Wamà svng mègòngni, nà chø̀m svng zv̄ngwā èlov̄m,” a:lòe.